முஸ்லிம் கைதிகளிடம் பாரபட்சம்: விசாரணை நடத்த பிரதமர் உத்தரவு!

13 Jul 2012

புதுடெல்லி:மஹராஷ்ட்ரா சிறைகளில் முஸ்லிம் கைதிகளிடம் போலீஸ் பாரபட்சமாக நடந்துகொள்வது குறித்து எழுந்துள்ள குற்றச்சாட்டைக் குறித்து விசாரணை நடத்த மஹராஷ்ட்ரா மாநில அரசுக்கும், உள்துறை அமைச்சருக்கும் பிரதமர் மன்மோகன்சிங் உத்தரவிட்டுள்ளார். இந்தியன் யூனியன் முஸ்லிம் லீக் கட்சி தனது பத்திரிகைச் செய்தியில் இத்தகவலை வெளியிட்டுள்ளது.

அண்மையில் டாட்டா இன்ஸ்ட்யூட் ஆஃப் சோசியல் சயன்ஸ் நடத்திய ஆய்வில் மஹராஷ்ட்ரா மாநிலத்தில் முஸ்லிம் கைதிகள் பாரபட்சமாக நடத்தப்படுகின்றார்கள் என கண்டறியப்பட்டது. இதன் அடிப்படையில் இவ்விவகாரத்தில் பிரதமர் தலையிடவேண்டும் என முஸ்லிம் லீக் தலைவரும், மத்திய அமைச்சருமான இ.அஹ்மத் கோரிக்கை விடுத்திருந்தார்.

கடந்த மூன்றரை ஆண்டுகளில் 16 கருணை மனுக்களில் முடிவு!

புதுடெல்லி:கடந்த மூன்றரை ஆண்டுகளில் 16 கருணை மனுக்கள் மீது முடிவெடுக்கப்பட்டுள்ளதாக மத்திய உள்துறை அமைச்சர் ப.சிதம்பரம் மாநிலங்களவையில் நேற்று(புதன்கிழமை) தெரிவித்தார்.

மாநிலங்களவையில் இதுக்குறித்த கேள்விக்கு பதிலளிக்கையில் ப.சிதம்பரம் கூறியது: உலகம் முழுவதும் மரண தண்டனை தொடர்பாக 2 விதமான கருத்துகள் உள்ளன. ஒன்று, மரண தண்டனையை ஒழிப்பது. மற்றொன்று குறிப்பிட்ட சில வழக்குகளுக்கு மட்டும் மரண தண்டனையை ஏற்பது. இந்தியச் சட்டம் அரிதினும் அரிதாக மரண தண்டனையை பரிந்துரைக்கிறது.

மரண தண்டனையை ஒழிப்பதற்கு சட்ட ஆணையம் எதிர்ப்புத் தெரிவித்துள்ளது. எனவே, மரண தண்டனை குறித்து மத்திய அரசு எந்த முடிவையும் எடுக்கவில்லை.

எனவே, இப்போதைக்கு மரண தண்டனை பற்றி எந்த மறு ஆய்வும் இல்லை. ஆனால், மறு ஆய்வுக்கான காலம் வரும். குடியரசுத் தலைவரால் மரண தண்டனையைக் குறைக்க முடியும். மொத்தம் 16 கருணை மனுக்கள் மீது குடியரசுத் தலைவர் முடிவெடுத்துள்ளார். அவரது முடிவு குறித்து நான் எனது கருத்தைக் கூற முடியாது.

கெளரவ கொலைக்கு ஆதரவாக உ.பி போலீஸ் டி.ஐ.ஜி

டெல்லி:தனது மகளை க்ரிமினல்கள் கடத்திச் சென்றதை குறித்து புகார் அளிக்க வந்த தந்தையிடம் ‘தற்கொலைச் செய்யுங்கள் அல்லது மகளை கொலைச் செய்ய வேண்டும்’ என்று கூறிய போலீஸ் டி.ஐ.ஜி சிக்கலில் மாட்டியுள்ளார்.

உத்தர பிரதேச மாநிலம் சஹரன்பூர் மண்டல டிஐஜி சதிஷ் குமார் மாத்தூர் இன்று வழக்கம் போல காவல் நிலையங்களுக்கு விசிட் கொடுத்தார். அப்போது ஒரு காவல் நிலையத்தில் பிரபுத்நகர் மாவட்டம் கசர்வா கிராமத்தைச் சேர்ந்த ஷவ்கீன் முகமது என்பவரை மாத்தூர் சந்தித்தார். ஷவ்கீனின் மகள் இஷ்ரத் ஜஹான்(14) ஓடிப் போய்விட்டதாகக் கூறப்படுகிறது.

இதைக் கேள்விப்பட்ட டிஐஜி இஷ்ரத்தின் தந்தையைப் பார்த்து, “உங்கள் மகளைக் கண்டுபிடித்துக் கொண்டு வர என்னிடம் மாயசக்தி ஒன்றும் இல்லை. உங்கள் மகள் ஓடிப்போயிருந்தால் நீங்கள் வெட்கி தற்கொலை செய்துகொண்டிருக்க வேண்டும். என் தங்கை மட்டும் இவ்வாறு செய்திருந்தால் அவளைக் கொன்றிருப்பேன் அல்லது நான் தற்கொலை செய்திருப்பேன்” என்றார்.

அவரின் கூற்று உள்ளூர் ஊடக கேமராக்களில் பதிவாகியுள்ளது. ஒரு டிஐஜியே கௌரவக் கொலையை ஆதரிக்கிறார் என்று பெரும் பரபரப்பு ஏற்பட்டுள்ளது.

வீட்டு வராண்டாவில் நின்று கொண்டிருந்த இஷ்ரத்தை 2 வாலிபர்கள் கடத்தியதாகக் கூறப்படுகிறது. அதே பகுதியைச் சேர்ந்த வாலிபர்கள் மொகின் சத்பல் மற்றும் ஒமா அத்ரா ஆகியோர் மீது போலீசார் வழக்குப் பதிவு செய்துள்ளனர். ஆனால் இஷ்ரத் பற்றி எந்தவித தகவலும் கிடைக்கவில்லை. அந்த இருவரும் இஷ்ரத்தை கெடுத்து கொன்றிருக்கலாம் என்று போலீசார் சந்தேகப்படுகிறார்கள்.

இது குறித்து இஷ்ரத்தின் தந்தை ஷவ்கீன் கூறுகையில்,

“என் மகளை கடத்திச் சென்றுவிட்டனர். ஆனால் டிஐஜி அவள் ஓடிப்போய்விட்டதாகக் கூறுகிறார். அவருக்கு இந்த தகவல் எங்கிருந்து கிடைத்தது என்று தெரியவில்லை. ஊர் மக்கள் முன்னிலையில் என் மகள் கடத்தப்பட்டாள். போலீஸ் அதிகாரி சொல்வது போன்று என் மகள் ஓடிப்போயிருந்தாலும் அவள் ஒரு மைனர், நல்லது கெட்டது தெரியாதவள். அதனால் அவளை தேடிக் கண்டுபிடித்து பத்திரமாக ஒப்படைப்பது போலீசாரின் கடமை. ஆனால் டிஐஜி கௌரவ கொலைக்கு ஆதரவாகப் பேசுகிறார்” என்றார்.

இரவில் வேலைப் பார்க்கும் பெண்களுக்கு பாதுகாப்பில்லை – ஆய்வில் தகவல்!

May 2012

புதுடெல்லி:இரவில் வேலைப் பார்க்கும் பெண்களின் பாதுகாப்பிற்காக அரசும், காவல்துறையும் பல்வேறு நடவடிக்கைகளை மேற்கொண்ட போதிலும் அவர்களில் பெரும்பாலோர் பாதுகாப்பற்ற நிலையிலேயே பணியாற்றுவதாக அசோசியேட் சேம்பர்ஸ் ஆஃப் காமேர்ஸ் அண்ட் இண்டஸ்ட்ரீ ஆஃப் இந்தியா நடத்திய ஆய்வில் தெரியவந்துள்ளது.

இரவு ஷிஃப்டில் வேலைப் பார்க்கும் 73 சதவீத பெண்களும் பாதுகாப்பற்ற நிலையிலேயே உள்ளனர். இந்தியாவின் 10 முக்கிய நகரங்களில் 2000க்கும் அதிகமான இரவு வேலைப்பார்க்கும் பெண்களிடம் நடத்திய ஆய்வில் இந்த விபரம் தெரியவந்துள்ளது.

சிறுதொழில்-மத்தியதர-பெரும் நிறுவனங்களில் பணியாற்றும் பெண்களிடம் இந்த ஆய்வு நடத்தப்பட்டது. பெண்களுக்கு மிகவும் பாதுகாப்பற்ற சூழல் நிலவுவது இந்தியாவின் தலைநகரான டெல்லியில் என்பது ஆய்வில் தெரியவந்துள்ளது.

பெங்களூர், ஹைதராபாத், சென்னை, மும்பை ஆகிய நகரங்கள் டெல்லிக்கு அடுத்த இடங்களை வகிக்கின்றன. பி.பி.ஒ, ஐ.டி, மருத்துவமனை, ஊடகங்கள் ஆகிய துறைகளில் பணியாற்றும் பெண்கள்தாம் அதிகமான பாதுகாப்பற்ற சூழலை அனுபவிக்கின்றனர்.

வேலை நேரங்களிலும், அதற்கு பிறகும் இத்துறைகளில் பணியாற்றும் பெண்கள் உடல்ரீதியான, இதர தாக்குதல்களுக்கு ஆளாவதாக ஆய்வு கூறுகிறது.

வேலை முடிந்து செல்லும்பொழுது போதிய வாகன வசதிகள் இல்லாமை, பெண்களின் பாதுகாப்பை உறுதிச்செய்வதற்கு நிறுவனங்களில் போதுமான வசதிகள் இல்லாமை, சக ஊழியர்களின் மனிதநேயமற்ற நடவடிக்கைகள் ஆகியன பெண்களுக்கு பாதுகாப்பற்ற சூழலை உருவாக்குவதில் முக்கிய காரணிகள் ஆகும்.

இரவில் பயண வசதிகள் இல்லாமல் மிகவும் பெண்கள் சிரமத்திற்கு ஆளாவது தலைநகர் டெல்லியில் ஆகும். மும்பை, கொல்கத்தா, சென்னை, புனே ஆகிய நகரங்கள் டெல்லிக்கு அடுத்த இடங்களை வகிக்கின்றன.

சிறுதொழில் நிறுவனங்களில் பணியாற்றும் பெண்கள்(21 சதவீதம்) மிகவும் மனோரீதியான பாதிப்புகளுக்கு ஆளாகின்றனர். மத்திய தர நிறுவனங்களில் இது 14 சதவீதம் ஆகும். பெரும் நிறுவனங்களில் 8 சதவீதம்.

பாதுகாப்பான சூழலை உருவாக்குவதன் மூலமே பெண்களுக்கு அதிக வாய்ப்புகளை உருவாக்க முடியும். பால் ரீதியான பாரபட்சம் பொருளாதாரத் துறையை மெதுவாக நொடியச் செய்யும் என ஆய்வு கூறுகிறது. நிறுவனங்களில் டிரைவர்கள் மற்றும் பாதுகாப்பு பணியாளர்களை நியமனம் செய்யும் பொழுது போலீஸ் பரிசோதனை நடத்துதல், புகார்களுக்கு தீர்வு காண்பதற்கான வசதிகளை ஏற்படுத்துதல் ஆகிய பரிந்துரைகள் ஆய்வறிக்கையில் கூறப்பட்டுள்ளன.

சீதையைப் போல வாழணுமா? – அதெல்லாம் புராண காலம் – நீதிமன்றத்தில் ருசிகரம்!

மும்பை:புராணங்களை நிஜ வாழ்க்கையில் எல்லாம் அமல்படுத்த நினைத்தால் என்ன நடக்கும். இது நீதிபதிகளுக்கும் தெரிவதில்லை. ராமருடன் சீதை காட்டுக்குப் போன புராண கதையை உதாரணம் காட்டிய நீதிபதிகளுக்கு பெண்ணொருத்தி கறாராக பதிலளித்துள்ளார்.

இந்திய ஷிப்பிங் கார்ப்பரேஷனில் பணிபுரியும் கணவர் அந்தப் பெண்ணை 2000-த்தில் திருமணம் செய்துகொண்டார். அவர் கொல்கத்தாவைச் சேர்ந்தவர். அந்தப் பெண் மும்பையைச் சேர்ந்தவர். 5 ஆண்டுகள் அவர் கப்பலில் சென்று பணி செய்தார். அப்போது மனைவி மும்பையில் இருந்தார். 2005-ல் அவருக்கு போர்ட் பிளேரில் நிலத்திலேயே வேலை போட்டுக்கொடுத்தார்கள். ஆனால் மனைவி அவருடன் செல்ல மறுத்துவிட்டார். இப்போது மணவாழ்வின் பரிசாக 9 வயதில் மகள் இருக்கிறார்.

போர்ட் பிளேர் வர முடியாது என்று மனைவி பிடிவாதமாக மறுத்துவிட்டதால் கணவர் விவாகரத்து கோரி வழக்கு தொடுத்தார்.

நீதிபதிகள் இந்த வழக்கைக் கேட்டு திகைத்துப் போய், “இந்த ஒரு காரணத்துக்காகவா பிடிவாதம் பிடிப்பது? கணவர் பணிபுரியும் ஊருக்குப் போங்களம்மா” என்று அறிவுரை கூறினார்கள். ராமருடன் சீதை காட்டுக்கே போன கதையையும் கூறினார்கள்.

ஆனால் அந்த பெண்மணியோ, “அதெல்லாம் புராணத்தோடு போகட்டும், என்னால் போர்ட் பிளேர் போக முடியாது” என்று கறாராகக் கூறிவிட்டார். இதனைத் தொடர்ந்து இவ்வழக்கின் விசாரணை ஜூன் 21-ஆம் தேதிக்கு  ஒத்திவைக்கப்பட்டது.

மோடியும் ஹிட்லரும் எவ்வித வித்தியாசமுமில்லாத தலைவர்கள்

இந்தியாவின் வளர்ச்சி பெற்ற மாநிலமான குஜராத்தை ஆட்சி செய்யும் மோடிக்கும், 2 ஆம் உலக மகா யுத்தத்தின் சூத்திரதாரியும், அப்போதைய ஜெர்மனின் தலைவருமான ஹிட்லருக்கும் எந்த ஒரு வித்தியாசமும் இல்லை என்று நடிகை நந்திதா தாஸ் கூறியுள்ளார்.

பொலிவூட்டின் துணிச்சலான நடிகை என்று பெயரெடுத்த இவர், படத்தயாரிப்பாளரும் ஆவார். இவர் 2002 இல் குஜராத்தில் முஸ்லீம்களுக்கு எதிரான நடந்த அரச பயங்கரவாதத்தை அடிப்படையாக வைத்து ‘பிராக்’ எனும் படமும் எடுத்துள்ளார்.

அண்மையில் இந்தியாவின் வதோதராவில் நடைபெற்ற கருந்தரங்கொன்றுக்கு விசேட பிரதிநிதியாகக் கலந்து கொண்ட நந்திதா தாஸிடம், 2002 இன் குஜராத்திற்கும் 2012 இன் குஜராத்திற்கும் உள்ள வித்தியாசம் என்ன என்பது தொடர்பாக பத்திரிகையாளர்கள் கேட்ட கேள்விக்கு பதிலளிக்கும்போது இவ்வாறு கூறினார். 

ஹரியானாவில் ஐந்து ஹிந்துத்துவா தீவிரவாதிகள் கைது!

தொடர் குண்டுவெடிப்பு:ஹரியானாவில் ஐந்து ஹிந்துத்துவா தீவிரவாதிகள் கைது!

21 Feb 2012

பாட்டியாலா:ஹரியானா மாநிலத்தில் பல்வேறு இடங்களில் நடந்த குண்டுவெடிப்புகளுடன் தொடர்புடைய ஐந்து ஹிந்துத்துவா தீவிரவாதிகளை போலீஸ் கைது செய்துள்ளது.

சாகர் என்ற ஆசாத், ஷாம் நிவாஸ், குர்ணாம்சிங், ப்ரவீண் சர்மா, ராஜேஷ்குமார் ஆகிய ஹிந்துத்துவா தீவிரவாதிகள் மஸ்ஜிதுகள், மதரசாக்கள், இறைச்சி வெட்டுமிடங்கள் ஆகிய இடங்களில் 2009-ஆம் ஆண்டு நடந்த குண்டுவெடிப்புகளை நிகழ்த்தியது தொடர்பான வழக்குகளில் போலீஸ் கைது செய்துள்ளது.

மேவாத்தில் ஸதக்பூரி கிராமத்தில் உள்ள இறைச்சி வெட்டுமிடம், மலாவ் மற்றும் ஜிந்தில் உள்ள மஸ்ஜித் ஆகிய இடங்களில் ஹிந்துத்துவா தீவிரவாதிகள் குண்டுகளை வைத்துள்ளனர். இதில் சாகர் என்ற ஆசாத் இக்குண்டுவெடிப்புகளின் முக்கிய சூத்திரதாரி ஆவான்.

இந்தியாவில் கள்ள நோட்டுக்கள் விநியோகம் 400 சதவீதம் அதிகரிப்பு

இந்தியாவில் கள்ள நோட்டுக்கள் விநியோகம் 400 சதவீதம் அதிகரிப்பு

16 Jan 2012

புதுடெல்லி:இந்தியாவில் கள்ள நோட்டுக்கள் விநியோகம் 400 சதவீதமாக அதிகரித்துள்ளதாக நிதியமைச்சகத்தின் அறிக்கை கூறுகிறது.

பா.ஜ.க-அ.தி.மு.க:ஒரே எண்ணத்தை கொண்டுள்ளன – அத்வானி பெருமிதம்

15 Jan 2012

சென்னை:ஜெயலலிதாவால் ‘செல்க்டீவ் அம்னீஷியா’ என புகழாரம் சூட்டப்பட்ட பாரதீய ஜனதா கட்சியின் தலைவர் எல்.கே.அத்வானியும், குஜராத் முஸ்லிம் இனப்படுகொலை புகழ் நரேந்திர மோடியும் பார்ப்பன பாசிச ஏஜண்ட் சோ
ராமசாமியின் பத்திரிகையான துக்ளக்கின் ஆண்டு விழா நிகழ்ச்சியில் கலந்துக்கொண்டு உரை நிகழ்த்தினர்.

பாபா ராம் தேவ் மீது கறுப்பு மை தெளிக்க முயன்றவர் மீது சரமாரி தாக்குதல்

பாபா ராம் தேவ் மீது கறுப்பு மை தெளிக்க முயன்றவர் மீது சரமாரி தாக்குதல்

14 Jan 2012

புதுடெல்லி:பாபா ராம்தேவ் மீது கறுப்பு மை தெளிக்க முயன்ற நபரை அவரது ஆதரவாளர்கள் சரமாரியாக தாக்கினர். இதில் அவரது வாயில் இருந்து ரத்தம் கொட்டியது.

கறுப்பு பணத்திற்கு எதிராக டெல்லி கான்ஸ்டிடியூஷனல் க்ளப்பில் செய்தியாளர்களுக்கு பேட்டி அளித்தார் ராம்தேவ். அப்பொழுது ஒருவர் ராம்தேவ் மீது கறுப்பு மையை தெளிக்க முயன்றார். இதையடுத்து ராம்தேவின் ஆதரவாளர்கள் அந்த நபரைப் பிடித்து சரமாரியாக தாக்கினர். இதில் அவரது வாயில் இருந்து ரத்தம் சொட்டியது.

பாதிக்கப்பட்டவர்களுக்கு 134 கோடி ரூபாய் இழப்பீடு

போபால்:பாதிக்கப்பட்டவர்களுக்கு 134 கோடி ரூபாய் இழப்பீடு

14 Jan 2012

புதுடெல்லி:போபால் விஷவாயு துயர சம்பவத்தில் பாதிக்கப்பட்ட 12 ஆயிரம் பேருக்கு 134 கோடி ரூபாய் இழப்பீடாக வழங்குவதற்கான பரிந்துரையை சமர்ப்பிக்க இச்சம்பவம் தொடர்பான அமைச்சரவை குழு(GoM-Group of Ministers)
தீர்மானித்துள்ளது. போபால் விஷவாயு துயர சம்பவத்தால் பாதிக்கப்பட்டவர்கள் புற்றுநோய், சிறுநீரக நோய் ஆகிய நோய்களால் அவதியுறுகின்றனர்.

இழப்பீட்டு தொகையை விநியோகிக்க நேற்று கூடிய அமைச்சரவை கூட்டம் தீர்மானித்துள்ளதாக கூட்டத்திற்கு பிறகு மத்தியபிரதேச மாநில அமைச்சர் பாபுலால் கவுர் தெரிவித்தார்.

உள்துறை அமைச்சர் ப.சிதம்பரத்தின் தலைமையில் நடந்த இக்கூட்டத்தில் சுகாதாரத்துறை அமைச்சர் குலாம்நபி ஆஸாத், சட்ட அமைச்சர் சல்மான் குர்ஷித் ஆகியோர் உள்பட பல அமைச்சர்களும் கலந்துக்கொண்டனர்.

விஷவாயு விபத்தால் பாதிக்கப்பட்ட 10045 பேருக்கு 10 லட்சம் ரூபாய் வீதம் வழங்கவேண்டும் என்ற கோரிக்கையை அமைச்சரவை குழு நிராகரித்தது. இதுக்குறித்து ம.பி.அமைச்சர் பாபுலால் கவுர் தனது அதிருப்தியை வெளியிட்டார்.

2002 குஜராத் இனக்கலவரம்

2002 குஜராத் இனக்கலவரம்: கைது செய்யப்பட்ட ஹிந்துக்களை விடுதலைச்செய்ய உத்தரவிட்ட மோடி

14 Jan 2012

அஹமதாபாத் 2002 குஜராத் இனக்கலவர வழக்குகளில், நரேந்திர மோடிக்கெதிராக போர்க்கொடி தூக்கியுள்ள முன்னால் கூடுதல் போலீஸ் இயக்குனர் ஆர்.பி.ஸ்ரீகுமார், தற்போது மேலும் ஒரு மனுவை நானாவதி கமிஷன் முன் சமர்பித்துள்ளார்.

அதில் கூறப்பட்டுள்ளதாவது, கலவரத்தில் ஈடுபட்டதாக கைது செய்யப்பட்டுள்ள ஹிந்துக்களை உடனடியாக விடுதலை செய்யும்படி மோடி உத்தரவிட்டுள்ளதாக குஜராத்தின் அப்போதைய தலைமை செயலாளர் அசோக் நாராயணன் தன்னை தொடர்புகொண்டு தெரிவித்ததாக கூறியுள்ளார். இது தொடர்பான தொலைபேசி உரையாடல்களையும் ஸ்ரீகுமார் சமர்பித்துள்ளார்.

இது மோடிக்கெதிராக  ஸ்ரீகுமார் சமர்பித்த ஒன்பதாவது மனுவாகும்

முஸ்லீம்களுக்கு எதிரான கட்டுரை

முஸ்லீம்களுக்கு எதிரான கட்டுரை: சுப்பிரமணியம் சுவாமிக்கு முன் ஜாமீன்

14 Jan 2012

டெல்லி:முஸ்லீம்களுக்கெதிரான கட்டுரை விவகாரத்தில் ஜனவரி 30ம் தேதி வரை ஜனதா கட்சி தலைவர் சுப்பிரமணியம் சுவாமியை கைது செய்யக்கூடாது என டெல்லி உயர்நீதி மன்றம் ஆணை பிறப்பித்துள்ளது.

நில ஒதுக்கீடு முறைகேடு

நில ஒதுக்கீடு முறைகேடு: வி.எஸ்.அச்சுதானந்தன் மீது எஃப்.ஐ.ஆர்

14 Jan 2012

கோழிக்கோடு/காஸார்கோடு:முதல்வராக பதவி வகித்த வேளையில் தனது உறவினருக்கு சட்ட விதிமுறைகளை மீறி காஸர்கோடு மாவட்டத்தில் 2.33 ஏக்கர் நிலத்தை ஒதுக்கீடு செய்த வழக்கில் இடதுசாரி எதிர்கட்சி தலைவர் வி.எஸ்.அச்சுதானந்தன் மீது முதல் தகவல் அறிக்கை பதிவுச் செய்யப்பட்டுள்ளது.

மேலும் நான்கு ஐ.ஏ.எஸ் அதிகாரிகள், முன்னாள் அமைச்சர் ஆகியோர் உட்பட 7 பேர் மீதும் வழக்கு பதிவுச் செய்யப்பட்டுள்ளது.

கேரள மாநிலத்தில் கடந்த இடதுசாரிகள் தலைமையிலான கூட்டணி அரசில் வி.எஸ்.அச்சுதானந்தன் முதல்வராக பதவி வகித்தார். அப்பொழுது முன்னாள் ராணுவ வீரர்களுக்கு அரசு ஒதுக்கீட்டில் வழங்கப்படும் நிலத்தை 25 ஆண்டுகளுக்கு
யாருக்கும் விற்கக்கூடாது என்ற சட்டத்தையும் மீறி தனது உறவினருக்கு ஒதுக்கினார். இதுத்தொடர்பாக கேரள லஞ்ச ஒழிப்பு போலீசில் புகார் அளிக்கப்பட்டது.

இந்நிலையில் கடந்த தேர்தலில் காங்கிரஸ் தலைமையிலான ஐக்கிய ஜனநாயக கூட்டணி ஆட்சிக்கு வந்தது. இந்தப் புகார் குறித்து விசாரணை நடத்த லஞ்ச ஒழிப்புத்துறைக்கு முதல்வர் உம்மன் சாண்டி உத்தரவிட்டார். அதன் அடிப்படையில், லஞ்ச ஒழிப்பு போலீசார் நடத்திய விசாரணையில் அச்சுதானந்தன் மீது கூறப்பட்ட புகார் உண்மை என தெரிய வந்தது.

இதையடுத்து, அச்சுதானந்தன், முன்னாள் வருவாய்த் துறை அமைச்சர் கே.பி. ராஜேந்திரன், 4 ஐ.ஏ.எஸ். அதிகாரிகள் உட்பட 8 பேர் மீது வழக்கு பதிவு செய்ய லஞ்ச ஒழிப்பு போலீசார் தீர்மானித்துள்ளனர். இவர்கள் மீது வழக்கு பதிவு செய்ய அனுமதிக்கும்படி லஞ்ச ஒழிப்புத் துறை இயக்குனருக்கு கடிதம் எழுதப்பட்டுள்ளது.

அச்சுதானந்தன் மீது லஞ்ச ஒழிப்பு போலீசார் வழக்கு பதிவு செய்ய முடிவு செய்திருப்பது, கேரள அரசியலில் பெரும் பரபரப்பை ஏற்படுத்தியுள்ளது.

இதுக்குறித்து பதிலளித்துள்ள வி.எஸ்.அச்சுதானந்தன், இந்த வழக்கை சட்டரீதியாகவும், அரசியல் ரீதியாகவும் சந்திக்கப் போவதாக தெரிவித்துள்ளார். மேலும் குற்றப்பத்திரிகை தாக்கல் செய்யப்பட்டால் தனது எதிர்கட்சித் தலைவர் பதவியையும் ராஜினாமா செய்வேன் என குறிப்பிட்டார்.

லத்திகா சரண் நியமனம் செல்லும்

லத்திகா சரண் நியமனம் செல்லும்: உயர்நீதிமன்றம்

13 Jan 2012

சென்னை:தமிழக டி.ஜி.பியாக லத்திகா சரண் நியமிக்கப்பட்டது செல்லும் என உயர்நீதிமன்றம் தீர்ப்பளித்துள்ளது. முந்தைய தி.மு.க ஆட்சியின்போது தமிழக டி.ஜி.பியாக லத்திகா சரண் நியமிக்கப்பட்டார். ஆனால், இந்த நியமனம் செல்லாது என்றும், அவருக்கு பதிலாக புதிய டி.ஜி.பியை தமிழக அரசு தேர்வுச்செய்ய நடவடிக்கை எடுக்கவேண்டும் என்றும் மத்திய நிர்வாக தீர்ப்பாயம் தீர்ப்பு அளித்தது. இதனை எதிர்த்து லத்திகா சரண் உயர்நீதிமன்றத்தில் மேல்முறையீடு செய்தார்.

கூடா நட்பு கேடாய் முடியும்

கூடா நட்பு கேடாய் முடியும்

10 Jan 2012

இஸ்ரேல் – ஒரு வரையறுக்கப்பட்ட எல்லைக்கோடு இல்லாத நாடு, ஐக்கிய நாடுகள் சபையின் தீர்மானங்களை பல முறை மீறிய நாடு, அப்பாவி குழந்தைகளை குறிவைத்து கொலை செய்வதில் வல்லவர்கள், பாதிக்கப்பட்டுள்ள மக்களுக்கு உதவி செய்ய வரும் நிவாரண குழுக்களை சர்வதேச எல்லையில் வைத்து தாக்குபவர்கள் என பல விரும்பத்தகாத சிறப்புகளை கொண்ட நாடு. இந்த நாடு உருவாகிய விதமும் அதனை பாதுகாக்க இவர்கள் எடுக்கும் நடவடிக்கைகளும் சர்வதேச நாடுகளின் கடும் கண்டனத்தை சந்தித்து வருகின்றன. சுருக்கமாக சொல்வதென்றால் மத்திய ஆசியாவின் கேன்சர் தான் இஸ்ரேல்.

கஷ்மீர் பண்டிட்கள் – தனிநாடு கோரிக்கை

கஷ்மீர் பண்டிட்கள் – தனிநாடு கோரிக்கை

10 Jan 2012

புனே:சர்வதேச கஷ்மீர் பண்டிட்களின் இளைஞர் அணியின் இரண்டு நாள் மாநாடு புனேவில் நடைபெற்றது. அம்மாநாட்டில் தனி நாடு கோரி தீர்மானம் நிறைவேற்றப்பட்டுள்ளது. மேலும் தனி நாட்டின் மூலம் தங்கள் மொழி மற்றும் கலாச்சாரம் போன்றவற்றை பாதுகாத்துக் கொள்ளப் போவதாக அறிவித்துள்ளது.

கஷ்மீர் பண்டிட்களின் தலைவர்கள் மற்றும் சிந்தனையாளர்கள் முன்னிலையில் நடைபெற்ற இந்த மாநாட்டில் புலம் பெயர்ந்துள்ள கஷ்மீர் பண்டிட்களை கண்டறிந்து அவர்களை முன்னேற்றவும் முடிவெடுக்கப்பட்டுள்ளது. மேலும் முன்னதாக வாழ்ந்த பண்டிட்களின் தியாகத்தை தாங்கள் அங்கீகரிப்பதாகவும் அம்மாநாட்டில் தீர்மானம் நிறைவேற்றப்பட்டுள்ளது.

உ.பியில் முஸ்லிம்களுக்கு 9 சதவீத உள் ஒதுக்கீடு

உ.பியில் முஸ்லிம்களுக்கு 9 சதவீத உள் ஒதுக்கீடு: காங்கிரஸ் தேர்தல் வாக்குறுதி

10 Jan 2012

ஃபாரூக்காபாத்:உத்தரப்பிரதேசத்தில் காங்கிரஸ் ஆட்சிக்கு வந்தால் முஸ்லிம்களுக்கு 9 சதவீதம் உள்ஒதுக்கீடு வழங்குவோம் என்று காங்கிரஸ் வாக்குறுதி அளித்துள்ளது.

உத்தரப் பிரதேச மாநில சட்டப் பேரவைத் தேர்தலுக்கான தேதி அறிவிக்கப்பட்டுள்ளது. இந்தியாவில் மிகப்பெரிய மாநிலமான அங்கு ஆட்சியைப் பிடிக்க வேண்டும் என்ற நோக்கத்தில் அனைத்துக் கட்சிகளும் தீவிரமாக செயல்பட்டு வருகின்றன. தேர்தல் பிரசாரமும் சூடுபிடித்துள்ளது.

திசை தெரியாமல் தடுமாறும் அன்னா குழுவினர்

திசை தெரியாமல் தடுமாறும் அன்னா குழுவினர்

10 Jan 2012

புதுடெல்லி:வலுவான ஊழல் எதிர்ப்பு போராட்டத்தின் மூலம் அரசை ஆட்டம் காணவைத்த அன்னா ஹஸாரே டீம் திசைத் தெரியாமல் தடுமாறி வருகிறது. மக்கள் ஆதரவு திடீரென குறைந்தது, லோக்பால் மசோதா பாராளுமன்றத்தில் அந்தரத்தில் தொங்குவது ஆகிய நிகழ்வுகளை தொடர்ந்து எதிர்கால திட்டங்களை குறித்து விவாதிக்க திங்கள்கிழமை ஹஸாரேவின் ஆப்செண்டுடன் அவரது குழுவினர் ஆலோசனை கூட்டத்தை நடத்தினர்.

தொடர்ந்து என்ன நடவடிக்கைகளை மேற்கொள்ளலாம் என்பது தெரியாமல் தற்பொழுது ஹஸாரே குழுவினர் இருட்டில் துளாவுகின்றனர்.

கைம்பெண்களின் துயரம்

கைம்பெண்களின் துயரம்

10 Jan 2012

மதரா(உ.பி):மதரீதியான சடங்குகள் சில பெண்களின் வாழ்க்கையை அவமானகரமாக மாற்றிவிடுகிறது. அதற்கு ஏராளமான உதாரணங்களை காணலாம்.

கணவனை இழந்த கைம் பெண்களுக்கு மறுமணம் புரியும் உரிமை மறுக்கப்பட்டதன் காரணமாக இந்து சமூகத்தைச் சார்ந்த கைம் பெண்கள் வடஇந்தியாவில் பல பகுதிகளிலும் அறக்கட்டளைகள் சார்பாக நடத்தும் தர்ம ஸ்தாபனங்களில் தள்ளப்படுகின்றனர். இத்தகைய நிறுவனங்களில் கைம்பெண்களின் நிலைமை படுமோசமாக உள்ளது.

சில நிறுவனங்கள் கைம்பெண்களை விபச்சாரத்திற்கு தூண்டுவதாக செய்திகள் வெளியாகின. உத்தரபிரதேச மாநிலம் விருந்தாவனில் இறந்துபோன கைம்பெண்களின் உடல்கள் சாக்கில் கட்டப்பட்டு துப்புரவுத் தொழிலார்களால் கொண்டுசெல்லப்பட்டு பின்னர் துண்டுதுண்டாக வெட்டப்பட்டு பல இடங்களிலும் வீசியெறியப்படும் தகவலை மாவட்ட சட்ட சேவை ஆணையம் (District Legal Services Authority (DLSA)) வெளிக் கொணர்ந்துள்ளது.

மத்திய மகளிர்-குழந்தைகள் நல அமைச்சகத்தின் கீழ் விருந்தாவனில் அரசால் நடத்தப்படும் மறுவாழ்வு மையங்கள் இயங்கினாலும் முறையாக இறந்த உடல்களை அடக்கம் செய்ய பணம் இல்லாததால் இந்த கொடுமை நடந்தேறுகிறது.

சொத்துக்களை பறிக்கவோ, கைம்பெண்களின் செலவுகளை கவனிக்க விருப்பமின்றி அவர்களது உறவினர்கள் இத்தகைய இருட்டறைகளில் கொண்டு அவர்களை தள்ளுகின்றனர். பலரும் பட்டினியால் பிச்சை எடுக்க துணிகின்றனர். கைம் பெண்களுக்கு திருமணம் செய்வதற்கான சட்டத்தை நிறைவேற்றிய தேசத்தில்தான் இக்கொடுமை நடக்கிறது.

பாரத மாதாவுக்கு பட்டாபிஷேகம் நடத்த முயலும் பாசிச கும்பல்கள் தங்களது சொந்த மதத்தைச் சார்ந்த அபலைப் பெண்களின் அவமானகரமான வாழ்வு குறித்து வாய் திறக்க மறுக்கின்றனர்