சிரியா மீது அவதானத்தை செலுத்த வேண்டும், இல்லாவிட்டால் சிவில் யுத்தம் உருவாகுவதைத் தடுக்க முடியாது

சிரியாவில் முன்னெடுக்கப்படும் அமைதி செயற்பாடு அங்கு சிவில் யுத்தத்தை தவிர்க்கும் கடைசி முயற்சி என ஐ. நா. மற்றும் அரபு லீக் விசேட தூதுவர் கொபி அனான் பாதுகாப்புச் சபைக்கு விளக்கமளித்துள்ளார்.

பாதுகாப்புச் சபையின் நிறைவு கூட்டத் தொடரின் போது சுவிட்சர்லாந்து தலைநகர் ஜெனீவாவில் இருந்து கொபி அனான் சிரியா விவகாரம் குறித்து விளக்கமளித்தார். அதில் சிரியாவில் தொடர்ந்தும் வன்முறைகள் இடம்பெறுவதாக அனான் குறிப்பிட்டார். எனினும் சிரிய இராணுவம் தற்போது கனரக ஆயுதங்களை பயன்படுத்துவதை குறைத்திருப்பதாக அவர் கூறினார்.

சிரியாவில் நிவாரண நடவடிக்கைகளுக்கு மேலதிகமாக 27 மில்லியன் டொலர்களை செஞ்சிலுவை சங்கம் கோரியுள்ள நிலையிலேயே அனானின் இந்த அறிவிப்பு வெளியாகியுள்ளமை குறிப்பிடத்தக்கது. சிரியாவில் இயங்கும் ஒரே சர்வதேச தொண்டு நிறுவனமான செஞ்சிலுவை சங்கம், சிரியாவில் தொடர்ந்தும் ஆயிரக்கணக்கானோர் மனிதாபிமான உதவிகளை வேண்டிநிற்பதாக அறிவித்துள்ளது.

இதில் சிரியாவில் தீவிரமடைந்திருக்கும் துன்புறுத்தல்கள், கைதி நடவடிக்கைகள் மற்றும் ஏனைய வன்முறைகள் தொடர்பில் கவனத்திற்கு கொண்டுவந்திருப்பதாக கொபி அனான் குறிப்பிட்டுள்ளார். அத்துடன் சிரியாவில் இராணுவ செயற்பாடுகளை நிறுத்துவது ஜனாதிபதி பஷர் அல் அஸதின் கையில்தான் இருக்கிறது என்று பாதுகாப்புச் சபையை அறிவுறுத்தினார்.

மாவீரன் திப்புசுல்தான் நினைவு நாள்

இன்று மாவீரன் திப்பு சுல்தான் ஆங்கிலேய ஏகாதிபத்தியத்திற்கெதிராக தனது இன்னுயிரை தியாகம் செய்த நாள்.

1799 ஆம் மே மாதம் நான்காம் தேதி சாதாரண சிப்பாய் போல் ஆங்கிலேய அந்நிய படைக்கெதிராக களமிறங்கி தனது உடலில் கடைசி மூச்சு நிற்கும் வரை உறுதியுடன் போராடி உயிர் தியாகியானார் மாவீரன் திப்பு. அந்த வீரத் திருமகனின் வரலாற்றை நினைவுக்கூறுவது இந்திய தேசத்தின் விடுதலை வரலாற்றையே நினைவுக்கூறுவதற்கு சமமாகும்.

“ஆடுகளைப் போல 200 ஆண்டுகள் வாழ்ந்து பிழைப்பதை விடப் புலியைப் போல 2 நாட்கள் வாழ்ந்து மடியலாம்”

எதிரிகளுடன் தீரமுடன் போரிட்டு குண்டு காயங்களுடன் கோட்டை வாயிலில் சரிந்து கிடந்த திப்புவிடம் அவரது பணியாள், “அரசே! யாரேனும் ஒரு ஆங்கிலேயே அதிகாரியை அழைக்கட்டுமா? சரணடைந்து விடலாம்” என பதறியவாறு கூறிய வேளையில் திப்பு உதிர்த்த உன்னத வார்த்தைகள் தாம் மேலே கண்டவை.

இந்திய வரலாறு பல மாவீரர்களை கண்டிருந்தாலும் திப்பு சுல்தானுக்கு இணையான ஒரு விடுதலை வீரனை யாரோடும் ஒப்பிட முடியாது.

மோடிக்கு எதிராக அமெரிக்க இந்திய சமூகம்!

மோடிக்கு எதிராக அமெரிக்க இந்திய சமூகம்!

5 Mar 2012

வாஷிங்டன்:குஜராத் முஸ்லிம் இனப்படுகொலை நிகழ்ந்து 10-வது ஆண்டு நிறைவுறும் வேளையில் அமெரிக்காவில் வாழும் இந்திய சமூகத்தின் தலைமையில் நரேந்திர மோடியை எதிர்த்து கண்டன போராட்டம் நடைபெற்றது.

40-க்கும் மேற்பட்ட அமைப்புகளின் சார்பாக நடந்த போராட்டத்தில் மோடிக்கு எதிராக முழக்கங்கள் எழுப்பப்பட்டன. நூற்றுக்கணக்கானோர் இப்போராட்டத்தில் கலந்துகொண்டனர்.
மன்ஹாட்டனில் காந்தி சிலைக்கு அருகே திரண்ட இந்தியர்கள் குஜராத் இனப்படுகொலையில் பாதிக்கப்பட்டவர்களுக்கு உரிய இழப்பீடு வழங்கவேண்டும் என்றும், குற்றவாளிகள் சட்டத்தின் முன்னால் நிறுத்தப்பட வேண்டும் என்றும் கோரிக்கை விடுத்தனர்.

இஸ்ரேலிய பயங்கரவாதத்திற்கு இன்னொரு ஆதாரம்!

காதர்அத்னான்:இஸ்ரேலிய பயங்கரவாதத்திற்கு இன்னொரு ஆதாரம்!

21 Feb 2012

ஃபலஸ்தீன் விடுதலை போராளி காதர் அத்னானின் சிறை உண்ணாவிரதம் 65 தினங்களை கடந்த வேளையில் இஸ்ரேலிய பயங்கரவாதத்தின் கோரமுகமும் மீண்டும் ஒரு முறை சர்வதேச சமூகத்தின் முன்னால் வெளிச்சத்திற்கு வந்துள்ளது.

அரசு நிர்வாக ரீதியான சிறை(Administrativedetention) என்ற பெயரால் விசாரணையோ, குற்றச்சாட்டோ இன்றி இஸ்ரேல் சிறையில் அடைக்கப்பட்டுள்ள நூற்றுக்கணக்கான ஃபலஸ்தீன் மக்களுக்காக தனி மனிதனாக போராடி வருகிறார் அத்னான். மருத்துவமனையின் படுக்கையில் மிகவும் ஆபத்தான நிலையில் படுத்திருக்கும் அத்னான், உலகின் மிகப்பெரிய க்ரிமினல் அரசை மண்டியிடச் செய்வாரா? என்பதை உலகம் உற்றுநோக்கி வருகிறது.

இஸ்ரேல் என்ற ரவுடி தேசத்தின் அடக்குமுறைகளையும், அக்கிரமங்களையும் கடந்த 45 ஆண்டுகளாக ஃபலஸ்தீன் மக்கள் அனுபவித்து வருகின்றார்கள். வதை சிறைகளும், வன்முறையும் இஸ்ரேலிய சியோனிஸ்டுகளிடமிருந்து பிரிக்கமுடியாத அம்சம் என்பது உலகிற்கு தெரிந்த சேதி. சர்வதேச சட்டங்கள் எதுவும் தனக்கு பாதகமில்லை என்ற திமிரிலும், அமெரிக்காவின் அரவணைப்பிலும் ஆட்டம் போட்டுவரும் இஸ்ரேலுக்கு அத்னான் போன்ற ஃபலஸ்தீன போராளிகள்தாம் சிம்ம சொப்பனமாக திகழ்ந்து வருகிறார்கள்.

யார் இந்த அத்னான்? – இஸ்லாமிக் ஜிஹாத் என்ற ஃபலஸ்தீன் விடுதலைப் போராட்ட அமைப்பின் உறுப்பினர் என்பதை தவிர வேறொன்றும் அவரைப் பற்றி வெளியுலகிற்கு தெரியாது. மேற்குகரையில் தனது வீட்டிலிருந்து கடந்த டிசம்பர்-17-ஆம் தேதி நள்ளிரவில் இஸ்ரேல் ராணுவம் அத்னானை கைது செய்தது. விசாரணை என்ற பெயரில் 18 தினங்கள் கொடூர சித்திரவதைகளுக்குப் பிறகு குற்றம் எதுவும் சுமத்தாமல் அரசு  நிர்வாகரீதியான சிறை என்று கூறி அத்னானை சிறையில்அடைத்தது இஸ்ரேலிய சியோனிஷ அரசு.

முன்னூறுக்கும் மேற்பட்ட ஃபலஸ்தீனர்கள் இதே குற்றம் சுமத்தப்பட்டு தற்போது இஸ்ரேலிய சிறையில் அடைக்கப்பட்டுள்ளனர். கைது குறித்து எவ்வித கேள்வியும் எழுப்புவதற்கு வாய்ப்பை வழங்காமல் இந்த சட்டப்பிரிவின் அடிப்படையில் எவரையும் 6 மாதம் வரை சிறையில் தள்ளலாம். பின்னர் தேவைப்பட்டால் சிறைக்காவலை மீண்டும் ஆறுமாதத்திற்கு நீட்டிக்கலாம். இத்தகையதொரு கொடிய கறுப்புச் சட்டம் உலகில் இஸ்ரேலில் மட்டுமே அமுலில் உள்ளது.

கடந்த இரண்டு மாதங்களிடையே இரண்டு தடவை மட்டுமே அத்னான் தனது மனைவி மற்றும் பிள்ளைகளை சந்திப்பதற்கு அனுமதி வழங்கப்பட்டது. அதுவும் அரை மணிநேரம் வீதம். பேசும் பொழுது அருகில் ஆயுதமேந்திய இஸ்ரேலிய ராணுவ வீரர்கள் வட்டமிடுவர். உண்ணாவிரதப் போராட்டம் காரணமாக உடல்நிலை மோசமடைந்துள்ள அத்னானை நான்கு வயதான மகளால் அடையாளம் காணமுடியவில்லை என்று அவரது மனைவி ராண்டா அத்னான் கூறுகிறார். தற்போது இரவு நேரங்களில் திடீரென விழித்து தந்தையை கேட்டு மகள் அழுவதாக ராண்டா தெரிவிக்கிறார். திருமணத்திற்கு முன்பு ஐந்து தடவையும், திருமணத்திற்கு பிறகு இரண்டு தடவையும் இஸ்ரேல் ராணுவம் அத்னானை கைது செய்துள்ளது. ஆனால், அத்னான் ஏதேனும் தாக்குதல்களில் தொடர்புடையவர் என்பதை நிரூபிக்க ஒரு முறை கூட இஸ்ரேலிய அதிகாரிகளால் இயலவில்லை.

அத்னானை குறித்து அவருடன் முன்பு அஸ்கெலடான் சிறையில் அடைக்கப்பட்டிருந்த அபூ மரியா நினைவு கூறுகையில், ‘அத்னானுடன் இருந்த வேளையில் சிறை என்பது ஒரு பல்கலைக்கழகமாக இருந்தது. அத்னான் ஒரு பேராசிரியரைப் போல் இருந்தார்’ என்று குறிப்பிடுகிறார்.

ஈரானிலிருந்து எண்ணெய் இறக்குமதி:

ஈரானிலிருந்து எண்ணெய் இறக்குமதி: அமெரிக்காவின் முகத்தில் விழுந்த அடி – பேண்ஸ்

21 Feb 2012

வாஷிங்டன்:ஈரானிலிருந்து எண்ணெய் இறக்குமதியை தொடரும் இந்தியாவின் முடிவு அமெரிக்காவின் முகத்தில் விழுந்த அடி என்று முன்னாள் அமெரிக்க அரசியல் விவகார ஸ்டேட் அண்டர் செகரட்டரி நிக்கோலஸ் பேண்ஸ் கூறியுள்ளார்.

ஈரானை சர்வதேச தளத்தில் தனிமைப்படுத்துவதற்கான முயற்சி நடைபெறும் வேளையில் இந்தியாவின் தீர்மானம் நிராசையை ஏற்படுத்திவிட்டது என்று பேண்ஸ் ‘த டிப்ளமேட்’ என்ற மேக்சினில் எழுதிய கட்டுரையில் குறிப்பிட்டுள்ளார்.

ஆயுதங்களை கைவிட ஐ.நா கோரிக்கை: ஹிஸ்புல்லாஹ் நிராகரிப்பு

ஆயுதங்களை கைவிட ஐ.நா கோரிக்கை: ஹிஸ்புல்லாஹ் நிராகரிப்பு

16 Jan 2012

பெய்ரூத்:லெபனான் சுற்றுப்பயணத்தின் போது ஆயுதங்களை கைவிட வேண்டும் என ஐ.நா பொதுச் செயலாளர் பான் கீ மூன் விடுத்த கோரிக்கையை லெபனானின் போராளி இயக்கமான ஹிஸ்புல்லாஹ் நிராகரித்துவிட்டது.

ஹிஸ்புல்லாஹ் தலைவர் ஹஸன் நஸ்ருல்லாஹ் இதுத் தொடர்பாக வெளியிட்டுள்ள அறிக்கையில் கூறியிருப்பதாவது:

‘லெபனானின் தற்காப்பிற்கு ஆயுதங்கள் அத்தியாவசியமானதாகும். இக்காரியத்தில் ஹிஸ்புல்லாஹ்வின் நிலைப்பாடு தெளிவானது. ஹிஸ்புல்லாஹ்வின் வசமிருக்கும் ஆயுதங்கள் மட்டுமே லெபனான் மக்களின் பாதுகாப்பிற்கு ஒரே உத்தரவாதம்.

ஹிஸ்புல்லாஹ்வின் ஆயுதபலத்தைக் கண்டு மேற்கத்திய நாடுகள் கவலை அடைவதில் எங்களுக்கு மகிழ்ச்சியே. அமெரிக்கா மற்றும் இஸ்ரேலின் கவலை எங்களுக்கு மேலும் உத்வேகத்தை அளிக்கிறது.’ இவ்வாறு நஸ்ருல்லாஹ் கூறியுள்ளார்.

ஈரான் மீது தாக்குதல் நடத்த இஸ்ரேல் ஆயத்தம்

ஈரான் மீது தாக்குதல் நடத்த இஸ்ரேல் ஆயத்தம்: போர் சூழலை எதிர்கொள்ள தயாராகும் அமெரிக்கா

15 Jan 2012

வாஷிங்டன்:அமெரிக்காவின் எச்சரிக்கையை மீறி ஈரானை தாக்குவதற்கு முயற்சியை இஸ்ரேல் துவக்கியுள்ளதாக செய்தி வெளியாகி உள்ளது.

இஸ்ரேல் ஈரானை தாக்க இருப்பதை முன்னிட்டு வளைகுடா பகுதியில் தங்களின் தளங்களை பாதுகாப்பதற்கான நடவடிக்கைகளை அமெரிக்கா ஆரம்பித்துள்ளது. இச்செய்தியை வால்ஸ்ட்ரீட் ஜெர்னல் பத்திரிகை வெளியிட்டுள்ளது.

திமோன்னாவில் உள்ள அணுசக்தி நிலையத்தை இம்மாதம் இஸ்ரேல் மூடியதற்கு காரணம் தாக்குதலுக்கு முன்னோடியாக கருதப்படுகிறது. ஈராக் உள்பட ஈரானின் தாக்குதலுக்கு இலக்காகும் தளங்கள் மற்றும் மையங்களில் பாதுகாப்பு ஏற்பாட்டை பலப்படுத்த அமெரிக்கா நடவடிக்கை மேற்கொண்டுள்ளது.

பிரஞ்சு பத்திரிகையாளர் உள்பட ஒன்பது பேர் படுகொலை

சிரியா:பிரஞ்சு பத்திரிகையாளர் உள்பட ஒன்பது பேர் படுகொலை

13 Jan 2012

டமாஸ்கஸ்:சிவிலியன்கள் மீது கடுமையான தாக்குதல் தொடரும் சிரியாவின் ஹும்ஸ் நகரத்தில் வியாழக்கிழமை நடந்த தாக்குதலில் பிரஞ்சு பத்திரிகையாளர் உள்பட ஒன்பது பேர் கொல்லப்பட்டனர். பெல்ஜியம் நாட்டைச் சார்ந்த செய்தியாளர் உள்பட 25 பேருக்கு காயம் ஏற்பட்டுள்ளது.

செய்தியாளர்கள் ஹும்ஸ் நகரில் சுற்றுப்பயணம் செய்ய அரசு ஏற்பாடு செய்த நிகழ்ச்சியில்தான் குண்டுவெடித்தது. பிரான்ஸ் டூ தொலைக்காட்சியின் ஃபோட்டோ ஜெர்னலிஸ்ட் கில்லிஸ் ஜாக்வர் என்பவர் உள்பட ஒன்பது பேர் கொல்லப்பட்டனர்.

தாலிபான் போராளிகளின் உடல் மீது சிறுநீர் கழித்த அமெரிக்க ராணுவத்தினர்

தாலிபான் போராளிகளின் உடல் மீது சிறுநீர் கழித்த அமெரிக்க ராணுவத்தினர்

13 Jan 2012

வாஷிங்டன்:தாலிபான் போராளிகளின் இறந்த உடல்கள் மீது அமெரிக்க ராணுவத்தினர் சிறுநீர் கழித்தது தொடர்பாக வெளியான வீடியோ காட்சிகள் குறித்து விசாரணை நடத்தப்படும் என பெண்டகன் அறிவித்துள்ளது.

இதனை யார் செய்தாலும் அது ராணுவத்திற்கு உகந்த செயல் அல்ல என பெண்டகனின் செய்தித் தொடர்பாளர் கேப்டர்ன் ஜான் கிர்பி தெரிவித்துள்ளார்.

யார் இந்த வீடியோவை வெளியிட்டார்? இதன் உண்மை நிலை என்ன? என்பது குறித்தும் விசாரணை நடத்தப்படும் என கிர்பி கூறினார்.

பாட்லா ஹவுஸ் என்கவுண்டர் போலி

பாட்லா ஹவுஸ் என்கவுண்டர் போலி: திக்விஜய் சிங்கிற்கு ப.சிதம்பரம் மறுப்பு

13 Jan 2012

புதுடெல்லி:பாட்லா ஹவுஸ் என்கவுண்டர் போலியானது என கூறியுள்ள அகில இந்திய காங்கிரஸ் கட்சியின் பொதுச்செயலாளர் திக்விஜய் சிங்கின் கருத்தை மத்திய உள்துறை அமைச்சர் ப.சிதம்பரம் நிராகரித்துள்ளார்.

ஒரு போலீஸ்காரரும் கொல்லப்பட்ட சம்பவம் உண்மையாக இருக்கும் வேளையில் மறு விசாரணை தேவையில்லை
என சிதம்பரம் தெரிவித்துள்ளார்.

2008-ஆம் ஆண்டு செப்டம்பர் 19-ஆம் தேதி தேசத்தை உலுக்கிய பாட்லா ஹவுஸ் போலி என்கவுண்டர் அரங்கேறியது. டெல்லி ஜாமிஆ மில்லியா பல்கலைக்கழகத்துடன் இணைந்த பாட்லா ஹவுஸில் போலீஸின் போலி என்கவுண்டரில் ஒரு மாணவர் உள்பட இரண்டுபேர் கொல்லப்பட்டனர்.

டெல்லி போலீஸ் அதிகாரி ஒருவரும் கொல்லப்பட்டார். உ.பி மாநிலத்தின் ஆஸம்கர் மாவட்டத்தில் சஞ்சர்பூர் கிராமத்தைச் சார்ந்த ஆதிஃப் அமீன், முஹம்மது ஸாஹித் ஆகிய இளைஞர்கள்தாம் அநியாயமாக போலி என்கவுண்டரில் சுட்டுக் கொல்லப்பட்டார்கள்.

எம்.சி.சர்மா என்ற போலீஸ் இன்ஸ்பெக்டரும் கொல்லப்பட்ட இச்சம்பவம் போலி என துவக்கம் முதலே குற்றச்சாட்டு எழுந்தது. இதனைக் குறித்து மனித உரிமை ஆர்வலர்கள் நடத்திய விசாரணையில் பலத்த சந்தேகங்கள் எழுப்பப்பட்டன. ஆனால், என்கவுண்டர் குறித்து விசாரணைக்கு உத்தரவிடுவது போலீஸாரின் தன்னம்பிக்கையை தகர்த்துவிடும் என கூறி மத்திய-மாநில அரசுகள் மறுத்துவிட்டன.

தான் மத்திய உள்துறை அமைச்சராக பதவியேற்ற பிறகு பாட்லா ஹவுஸ் என்கவுண்டர் உண்மை என்பது தெளிவானது என வியாழக்கிழமை செய்தியாளர்களுக்கு பேட்டியளித்த ப.சிதம்பரம் தெரிவித்தார்.

திக்விஜய்சிங் கூறியது அவரது தனிப்பட்ட கருத்து என ப.சிதம்பரம் கூறினார். அதேவேளையில், பாட்லா ஹவுஸ் என்கவுண்டர் போலி என மீண்டும் திக்விஜய்சிங் கூறியுள்ளார். இச்சம்பவத்தை குறித்து மத்திய அரசிடம் தொடர்ந்து வலியுறுத்திய போதிலும் பிரதமரும், ப.சிதம்பரமும் இதற்கு எதிரான நிலைப்பாட்டை எடுத்ததால் தன்னால் எதுவும் செய்ய இயலவில்லை என திக்விஜய் சிங் கூறியுள்ளார்.

துபாயில் இருந்து திரும்புகிறார் சர்தாரி

துபாயில் இருந்து திரும்புகிறார் சர்தாரி

13 Jan 2012

இஸ்லாமாபாத்:சர்தாரி துபாய்க்கு சென்றது சர்ச்சையை கிளப்பிய சூழலில் பாகிஸ்தானுக்கு அவர் திரும்புவதாக செய்தி
வெளியாகியுள்ளது. இன்று(வெள்ளிக்கிழமை) அவர் பாகிஸ்தான் திரும்புவார் என செய்திகள் கூறுகின்றன.

ஒரு திருமண நிகழ்ச்சியில் பங்கேற்கத்தான் சர்தாரி துபாய்க்கு சென்றார் என கூறப்பட்டது. ஆனால், அரசுக்கு எதிராக ராணுவம் காய்களை நகர்த்தி வரும் வேளையில் சர்தாரி துபாய்க்கு சென்றது சர்ச்சையை கிளப்பியது.

பாகிஸ்தானில் தற்பொழுது நிலவும் அரசியல் சூழல்களை குறித்து விவாதிக்க இன்று தேசிய அவை கூடுகிறது.

ராணுவ புரட்சி என்பது பாகிஸ்தானுக்கு புதிதல்ல. ஆனால், பாகிஸ்தானில் நடக்கும் புதிய நிகழ்வுகள் மீண்டும் ஒரு ராணுவ புரட்சியை நோக்கி செல்வதாக அரசியல் நோக்கர்கள் கருதுகின்றனர். அரசுக்கு எதிராக ராணுவம் காய்களை நகர்த்தி வரும் வேளையில்தான் பாக்.ராணுவ தலைமை தளபதிக்கு நெருக்கமான பாதுகாப்பு செயலாளர் காலித் நயீமை பிரதமர் கிலானி நீக்கினார்.

பிரதமரின் நடவடிக்கைக்கு எதிராக கடுமையான வார்த்தைகளால் ராணுவம் பதிலளித்தது. பிரதமரின் செயல் கடுமையான எதிர்விளைவுகளை உருவாக்கும் என ராணுவம் எச்சரிக்கை விடுத்தது.

அணு விஞ்ஞானி கொலை

அணு விஞ்ஞானி கொலை: தொடர்பில்லை என அமெரிக்கா

16 Jan 2012

நியூயார்க்:ஈரானில் கடந்த புதன்கிழமை குண்டுவெடிப்பில் அணு விஞ்ஞானி முஸ்தஃபா அஹ்மதி கொல்லப்பட்ட சம்பவத்திற்கு அமெரிக்கா அனுதாபம் தெரிவித்துள்ளது. இத்தாக்குதலில் தங்களுக்கு பங்கில்லை என அமெரிக்கா
அறிவித்துள்ளது.

அணு விஞ்ஞானியின் கொலையின் பின்னணியில் இஸ்ரேலும், அமெரிக்காவும் என ஈரான் கூறிய குற்றச்சாட்டிற்கு பதிலளிக்கையில் அமெரிக்க வெளியுறவுத்துறை செயலாளர் ஹிலாரி கிளிண்டன் இவ்வாறு கூறியுள்ளார்.

ஈரான் மீதான தடையை ஆதரிக்கமாட்டோம்

ஈரான் மீதான தடையை ஆதரிக்கமாட்டோம் – சீனா அறிவிப்பு

16 Jan 2012

பீஜிங்:ஈரான் மீதான அமெரிக்கா, ஐரோப்பிய நாடுகள் கொண்டுவந்துள்ள தடைகளை ஆதரிக்க மாட்டோம் என சீனா அறிவித்துள்ளது.

ஈரானின் எண்ணெய் மீது தடையை அறிவித்துள்ள அமெரிக்காவின் நிதித்துறை செயலாளர் திம்மத்தி கீத்னர் இதற்கு ஆதரவைக்கோரி சீனா சென்றுள்ளார். அவரிடம் சீனா, தனது முந்தைய நிலைப்பாட்டில் மாற்றமில்லை என திட்டவட்டமாக அறிவித்துள்ளது.

சீன பிரதம்ர் ஜியபாவோ, சீனாவின் எதிர்கால தலைவராக கருதப்படும் துணை அதிபர் ஸி ஜின் பிங் ஆகியோருடன் கீத்னர் பேச்சுவார்த்தை நடத்தினார்.

ஈரான் ஏற்றுமதிச்செய்யும் மூன்றில் ஒரு பங்கு எண்ணெயையும் சீனா வாங்குகிறது.

ஜுக்கோட்டி பூங்காவில் மீண்டும் வால்ஸ்ட்ரீட் எதிர்ப்பாளர்கள்

ஜுக்கோட்டி பூங்காவில் மீண்டும் வால்ஸ்ட்ரீட் எதிர்ப்பாளர்கள்

16 Jan 2012

வாஷிங்டன்:அமெரிக்காவின் கார்ப்பரேட் எதிர்ப்பு மையமாக கருதப்படும் ஜுக்கோட்டி பூங்காவில் மீண்டும் வால்ஸ்ட்ரீட் ஆக்கிரமிப்பு எதிர்ப்பாளர்கள் திரள துவங்கியுள்ளனர்.

பூங்காவிலிருந்து வெளியேற்றியதை தொடர்ந்து முடிவுக்கு வந்த போராட்டம், மீண்டும் துவங்குவதற்கான அறிகுறி இதன் மூலம் தென்படுகிறது. 300-க்கும் மேற்பட்ட எதிர்ப்பாளர்கள் பூங்காவில் திரண்டுள்ளனர்.

பாதுகாப்பு செயலாளர் நீக்கம்: சூடு பிடிக்கும் பாகிஸ்தான் அரசியல்

பாதுகாப்பு செயலாளர் நீக்கம்: சூடு பிடிக்கும் பாகிஸ்தான் அரசியல்

12 Jan 2012

இஸ்லாமாபாத்:பாகிஸ்தான் பாதுகாப்புத்துறை செயலாளர் காலித் நயீம் லோடியை பிரதமர் கிலானி நீக்கியதை தொடர்ந்து பாகிஸ்தான் அரசியலில் மீண்டும் சூடு பிடிக்க துவங்கியுள்ளது.

காலித் நயீம் பாக்.ராணுவ தலைமை தளபதிக்கு நெருக்கமானவர் ஆவார். சட்டவிரோத நடவடிக்கை மற்றும் மோசமான குணநலனும் கண்டுபிடித்ததை தொடர்ந்து லோடியை நீக்கியுள்ளதாக பிரதமர் அலுவலகம் அறிவித்துள்ளது. முக்கிய துறைகள் இடையே தவறான புரிந்துணர்வை லோடியின் செயல்பாடுகள் ஏற்படுத்தியதாக அறிக்கையில் கூறப்பட்டுள்ளது.

எஸ்.எம்.கிருஷ்ணா ஃபலஸ்தீனில்

எஸ்.எம்.கிருஷ்ணா ஃபலஸ்தீனில்

16Jan 2012

ரமல்லா:இந்திய வெளியுறவுத்துறை அமைச்சர் எஸ்.எம்.கிருஷ்ணா ஃபலஸ்தீனுக்கு வருகை தந்தார். இஸ்ரேல் சுற்றுப் பயணத்தை முடித்துக்கொண்டு கிருஷ்ணா பெய்த்தூனியா செக்போஸ்ட் வழியாக ஃபலஸ்தீன் வருகைத் தந்தார்.

பத்தாண்டுகளுக்கு இடையே ஃபலஸ்தீனுக்கு செல்லும் முதல் இந்திய வெளியுறவுத்துறை அமைச்சரான கிருஷ்ணா, ஃபலஸ்தீன் ஆணைய அதிபர் மஹ்மூத் அப்பாஸ், பிரதமர் ஸலாம் ஃபய்யாத் ஆகியோர் உள்பட உயர் ஃபலஸ்தீன் தலைவர்களுடன் பேச்சுவார்த்தை நடத்தினார்.

குவாண்டனாமோ:மனித உரிமை மீறல்களின் 10 ஆண்டு

குவாண்டனாமோ:மனித உரிமை மீறல்களின் 10 ஆண்டு

  16Jan 2012

மனித உரிமை மீறல்களில் வரலாற்றின் எக்காலத்திலும் முதல் இடத்தை பிடிக்கும் குவாண்டானாமோ சிறைக் கொட்டகை நிறுவப்பட்டு 10 ஆண்டுகள் நிறைவுறுகிறது.

ஆப்கானிஸ்தானிலும், ஈராக்கிலும் போர்க்களத்தில் இருந்து பிடிக்கப்படும் நபர்களை சித்திரவதைச் செய்து சீரழிப்பதற்காக மட்டும் ஜார்ஜ் w புஷ் அரசாங்கத்தால் கியூபாவில் உள்ள குவாண்டனாமோவில் அமெரிக்க கடற்படை தளத்தில் பிரம்மாண்டமான சிறைக் கொட்டகை உருவாக்கப்பட்டது.

சிறைக்கைதிகளின் முதல் குழு 2002-ஆம் ஆண்டு ஜனவரி,11-ம் தேதி குவாண்டனாமோவில் அடைக்கப்பட்டு 10-வது ஆண்டு நிறைவுறுகிறது. ஆனால்,10 ஆண்டுகள் கழிந்த பிறகும் விசாரணை இல்லாமல் 171 சிறைக்கைதிகள் விடுதலையை எதிர்பார்த்து காத்திருக்கின்றனர்.

முதல் கட்டமாக குவாண்டானாமோவில் அடைக்கப்பட்டவர்களில் குறைந்தபட்சம் பன்னிரெண்டு நபர்கள் இப்பொழுதும் அங்கு துயரங்களை அனுபவித்து வருகின்றனர். இவர்களில் ஒருவருக்கு மட்டுமே இதுவரை தண்டனை வழங்கப்பட்டுள்ளது. மீதமுள்ளோருக்கு விசாரணை கூட நடத்தப்படவில்லை. குற்றவாளிகள் அல்லர் என்பதை கண்டறிந்த பிறகும் 89 பேரின் விடுதலைக் குறித்து இதுவரை முடிவு எடுக்கப்படவில்லை.

கடந்த 10 ஆண்டுகளில் 780 பேர் குவாண்டனாமோவின் இருட்டறைகளில் அடைக்கப்பட்டனர். 2008-ஆம் ஆண்டு அமெரிக்க அதிபராக தேர்ந்தெடுக்கப்பட்ட பாரக் ஒபாமா, குவாண்டனாமோவை மூடுவேன் என வாக்குறுதி அளித்தார். ஆனால், 3 ஆண்டுகளை தாண்டிய பிறகும் ஒபாமா தனது வாக்குறுதியை நிறைவேற்றவில்லை. அதற்கு பதிலாக ராணுவத்திற்கு எந்தவொரு நபரையும் காலவரையற்று விசாரணையில்லாமல் சிறையில் அடைக்கும் அதிகாரத்தை வழங்கும் மசோதாவில் ஒபாமா அண்மையில் கையெழுத்திட்டார்.

குவாண்டனாமோவில் அமெரிக்காவின் பயங்கரவாதத்தை சர்வதேச மனித உரிமை அமைப்பான ஆம்னஸ்டி இண்டர்நேசனல், ‘மனித உரிமைகள் மீறல்களின் வரலாற்றில் நீடிக்கும் நச்சுத்தன்மை வாய்ந்த அடையாளம்’ என வர்ணிக்கிறது. குவாண்டனாமோ சிறைக் கொட்டகையின் 10-வது ஆண்டு நிறைவையொட்டி ஆம்னஸ்டி வெளியிட்டுள்ள அறிக்கையில் இவ்வாறு கூறுகிறது.

பலஸ்தீனப் பிரதமர் இஸ்மாயில் ஹனிய்யாவும் துருக்கிய பிரதமர் அர்தூகானும் சந்திப்பு

ஹமாஸ் அரசாங்கம் பதவியேற்றதன் பின்னர், பிரதமர் இஸ்மாயில் ஹனிய்யா முதல் முறையாக எகிப்து, சூடான், துருக்கி உள்ளிட்ட பல நாடுகளுக்கு உத்தியோகபூர்வ பயணத்தை மேற்கொண்டு வருகிறார்.

துருக்கிக்கு விஜயம் செய்த ஹனிய்யா, பிரதமர் அர்தூகான் தலைமை வகிக்கும் நீதிக்கும் அபிவிருத்திக்குமான கட்சியின் கூட்டத்திலும் கலந்து கொண்டார். செவ்வாய்க்கிழமை இடம்பெற்ற இக்கூட்டத்திற்கு சமூகமளித்த அவர், கட்சியின் அங்கத்தவர்களுடன் கைகுலுக்கி தனது நல்லுறவை வெளிப்படுத்தினார்.

இக்கூட்டத்தில் அர்தூகான் காரசாரமான உரை ஒன்றை நிகழ்த்தினார். இதில் குர்திய இன சார்பான சமாதானம் மற்றும் நீதிக்கான கட்சியின் ஒரு பக்கச் சார்பான இனத்துவ சிந்தனையை அவர் கடுமையாக கண்டித்தார்.

சமீபத்தில் துருக்கி இராணுவத்தின் விமானத் தாக்குதல்களின்போது, 35 குர்தியர்கள் வட ஈராக்கில் கொல்லப்பட்டனர். இது தவறு என அர்தூகான் பகிரங்க மன்னிப்பைக் கோரியிருந்தார். தமது கட்சியைச் சேர்ந்த அங்கத்தவர் ஒருவரின் சகோதரர் ஒருவரும் இதில் கொல்லப்பட்டதாக அர்தூகான் குறிப்பிட்டார்.

இது இராணுவத்தின் தவறு என்பதை தாம் ஒப்புக் கொண்டபோதிலும், இன அடிப்படையில் குர்திய கட்சி இதைப் பிரித்து நோக்குகிறது என அவர் விமர்சித்தார்.

இஸ்மாயில் ஹனிய்யா மாவி மர்மாரா கப்பலையும் பார்வையிட்டார்.

அன்வர் இப்றாஹிம் நிரபராதி என நீதிமன்றம் தீர்ப்பு

மலேசிய எதிர்க்கட்சித் தலைவர் அன்வர் இப்றாஹிம் நிரபராதி என அந்நாட்டு நீதிமன்றம் தீர்ப்பளித்துள்ளது. "நீதி நிலைநாட்டப்பட்டுள்ளது" என இது குறித்து,கோலம்பூர் உயர் நீதிமன்றத்திற்கு வெளியே கூடியிருந்த தனது ஆதரவாளர்கள் மத்தியில் உரையாற்றும்போது அவர் கூறினார். சிலர் அல்லாஹு அக்பர் என கோஷம் எழுப்பினர்.

2008 இல் அவரது உதவியாளர் ஒருவர் ஓரின பாலியல் குற்றச்சாட்டை அவருக்கு எதிராக முன்வைத்தார். இதன் காரணமாக DNA மாதிரிகள் பரிசோதிக்கப்பட்டன. அதன் பின்னரே இத்தீர்ப்பு வழங்கப்பட்டிருப்பது குறிப்பிடத்தக்கது. இது மலேசிய அரசியலில் அன்வர் இப்றாஹிமின் செல்வாக்கை வீழ்த்தலாம் என அப்போது அனுமானிக்கப்பட்டது.

இவ்வருடம் நடைபெறும் என எதிர்பார்க்கப்படும் தேர்தலில், அன்வர் இப்றாஹிமுக்கு இது அரசியல் ரீதியாக சாதகமாக அமையும் என எதிர்பார்க்கப்படுகிறது. 1990களில் அன்வர் இப்றாஹிம் மலேசிய அரசியலில் நட்சத்திர அந்தஸ்து பெற்றிருந்தார். மஹாதிரின் அரசியல் வாரிசு எனவும் இவர் அப்போது கணிக்கப்பட்டிருந்தார்.

இவரது புகைப்படம் 1997 இல் பிரசுரிக்கப்பட்ட டைம் சஞ்சிகையின் அட்டையில் இடம்பெற்றிருந்தது. அதில் ஆசியாவின் எதிர்காலம் என்ற வாசகம் காணப்பட்டமை குறிப்பிடத்தக்கது.