மலேஷியாவில் முர்ஸிக்கு ஆதரவாக பேரணி

எகிப்தில் சட்டத்துக்கும் ஜனநாயகத்துக்கும் எதிராக மேற்கொள்ளப்பட்ட சதியை மலேஷிய கட்சிகளும் அரச சார்பற்ற நிறுவனங்களும் கண்டித்துள்ளன. அத்தோடு, எகிப்தில் அன்றாடம் இடம் பெற்றுவரும் நிகழ்வுகள் தம்மை கலக்கமடையைச் செய்துள்ளதாகவும் அவை தெரிவித்துள்ளன.

மலேஷிய இஸ்லாமிய நிறுவனங்களின் கூட்டமைப்பு, கோலாலம்பூரில் ஒழுங்கு செய்த ஆர்ப்பாட்டங்களில் பலர் கலந்து கொண்டுள்ளதோடு, எகிப்திய மக்கள் பெற்றுக் கொண்ட ஜனநாயக உரிமைகளுக்கு எதிரான சதியை தாம் வன்மையாகக் கண்டிப்பதாகவும் அவர்கள் தெரிவித்துள்ளனர்.

எகிப்தில் நடப்பதென்ன?

எகிப்தில் ஓர் இராணுவ சதிப் புரட்சி நடைபெற்றுள்ளது. அதன் எதிரொலிகள் கேட்ட வண்ணமுள்ளன. இராணுவத்தினர் ஜனநாயக ரீதியாக தெரிவு செய்யப்பட்ட ஜனாதிபதி கலாநிதி முர்ஸியை கைதுசெய்து, வீட்டுக் காவலில் வைத்துள்ளதால் அந்நாட்டில் பெரும் அரசியல் கொந்தளிப்பு ஏற்பட்டுள்ளது.

இது தெளிவான இராணுவ சதிப் புரட்சிதானா? அதன் பின்னணி என்ன?

ஆம் இது கடந்த சில மாதங்களாகத் திட்டமிடப்பட்டு, தற்போது நடாத்தி முடிக்கப்பட்ட இராணுவ சதிப் புரட்சிதான் என்பதில் துளியளவும் சந்தேகமில்லை. இராணுவ உயர் அதிகாரிகள் உள்ளிட்டு ஜெனரல் ஸீஸியின் ஒவ்வொரு நகர்வும் அதனை நிரூபித்துள்ளன.

எகிப்திய இராணுவப் புரட்சி: சவூதி, அமெரிக்க, இஸ்ரேலிய முக்கூட்டுச் சதி

ஆறு தசாப்த கால இராணுவ சர்வதிகார ஆட்சிக்குப் பிறகு, முதற் தடவையாக ஜனநாயக முறையில் ஆட்சிக்கு வந்த ஜனாதிபதி மூர்ஸி, கடந்த 3 ஆம் திகதி இராணுவப் புரட்சி மூலம் பதவி கவிழ்க்கப்பட்டார்.

அரசியல் யாப்பை ரத்து செய்து, பொம்மை அரசாங்கம் ஒன்றை தற்போது இராணுவம் அமைத்திருக்கிறது. அரபு வசந்தத்தின் மூலம் பதவி துறந்த ஹுஸ்னி முபாரக் கால அரசியல் நிலமைகள் மீண்டும் நாட்டில் திரும்பியிருக்கின்றன. படையனர் எல்லா இடங்களிலும் கடமையில் ஈடுபடுத்தப்பட்டுள்ளனர். ஊடகங்கள் ஒடுக்கப்படுகின்றன.

அல்ஜஸீரா தொலைக்காட்சியின் அரபு சேவை உள்ளடங்கலாக, பல தொலைக் காட்சி சேவைகள் மூடப்பட்டுள்ளன. ஊடகவியலாளர்கள் அச்சுறுத்தப்பட்டும், தாக்கப்பட்டும், தடுத்து வைக்கப்பட்டும் உள்ளனர். மூர்ஸிக்கு ஆதரவு வழங்கிய முஸ்லிம் சகோதரத்துவ அமைப்பின் தலைமைத்துவம் உட்பட, அதன் அங்கத்தவர் பலர் கைது செய்யப்பட்டுள்ளனர்.

வாக்காளர் அட்டைகளை வாங்க முடியுமா?

கலாநிதி அப்துல் ஹய் பர்மாவி

தமது வேட்பாளர் மிகச் சிறந்தவர் என்ற எண்ணத்தில் வாக்காளர் அட்டைகளை மக்களிடமிருந்து கொள்வனவு செய்ய முடியுமா?

தேர்தல் என்பதன் அடிப்படை வேட்பாளரின் சிந்தனைப் போக்கு, அவரின் இயல்பு, தெளிவான சிந்தனையின் அடிப்படையில் வேட்பாளர் தெரிவு செய்யப்பட வேண்டும் என்பதாகும்.

இது விடயமாக மக்கள் உணர்வூட்டப்பட வேண்டும். ஏனென்றால், தேர்தல் என்பது ஒரு முக்கிய இலக்கை அடைவதற்கான சிறந்ததொரு வழிமுறையாகும்.

எனவே, வாக்காளர் அட்டைகளை கொள்வனவு செய்ய முடியாது. இது வாக்காளர்களின் கருத்துக்களை சிதறடிப்பதாக அமைந்து விடும்.

மட்டுமன்றி, தேர்தல் என்ற செயற்பாட்டுக்கு மோசடி செய்வதாகவும் அமையும்.

ஒவ்வொரு தெருவிலும் மரணம் எங்களைக் காத்திருக்கின்றது

றவூப் ஸெய்ன்

ஜூன் 10 இல் கட்டவிழ்க்கப் பட்ட படுகொலையும் இனச் சுத்திகரிப்பும் இன்னும் முற்றாகத் தணியாத மியன்மாரில்,ஏற்பட்டுள்ள வெள்ள அனர்த்தம் தற்காலிக முகாம்களில் தங்கியுள்ள மக்களை பெரும் நெருக்கடியில் தள்ளியிருக்கின்றது. கரையோர மாநிலமான ரேக்கினில் உள்ள பான்துபா அகதி முகாமில் அடைபட்டுக் கிடக்கும் பல்லாயிரக் கணக்கான அகதிகளின் நிலை மிகவும் கவலைக்கிடமாக மாறி யுள்ளது.

65 முஸ்லிம் பெரும்பான்மை நாடுகளையும் 150 கோடி மக்களையும் கொண்ட இஸ்லாமிய உலகு மியன்மாரின் ரோஹிங்யா முஸ்லிம்கள் குறித்து இதுவரை எவ்வித உருப்படியான நடவடிக்கைகளையும் எடுக்கவில்லை. பாகிஸ்தான், கட்டார், எகிப்து, துருக்கி, சவூதி அறேபியா ஆகியன மியன்மார் இராணுவ அரசாங்கத்தின் காட்டுமிராண்டித்தனத்தை வன்மையாகக் கண்டித்துள்ளன.

இந்தோனேஷியாவில் பெருந்திரளான மக்கள் கலந்து கொண்ட வீதி ஆர்ப்பாட்டங்கள் நடந்தேறியுள்ளன. அறபுநாடு என்று பார்க்கும்போது கெய்ரோவில் மியன்மாரின் தூதுவராலயத்திற்கு முன்பாகத் திரண்ட மக்கள் வெள்ளம், அந்நாட்டின் கொடியை எரித்ததோடு,படுகொலைகளை நிறுத்துமாறும் வேண்டியது.

இராஜதந்திர ரீதியில் துருக்கி மாத்திரமே இதுவரை மியன்மாருக்கு நேரடி விஜயம் செய்த ஒரே நாடாகும். துருக்கியின் வெளிவிவகார அமைச்சர் அஹ்மத் தாவூத் ஒக்லூ, பிரதமரின் மனைவி இமைன் அர்தூகான் ஆகியோர் கடந்த மாதம் பான்துபா அகதி முகாமைத் தரிசித்ததோடு,மில்லியன் டொலர் பெறுமதியான நிவாரண உதவிப் பொருட்களையும் வழங்கினர்.

இஸ்லாமிய சகோதரத்துவத்தின் அடிப்படையிலேயே துருக்கியின் இந்த ராஜதந்திர விஜயம் அமைந்திருந்ததை அங்கு நடை பெற்ற காட்சிகள் உணர்த்தின. தென்கிழக்காசியாவில் மூடுண்டு வாழும் மியன்மார் சமூகத்தில்,குறிப்பாக முஸ்லிம்கள் மத்தியில் தாவூத் ஒக்லூவின் விஜயம் ஒரு முக்கிய திருப்பமாகும். சில மியன்மார் முஸ்லிம்கள் துருக்கியிலிருந்து சென்ற இத்தூதுக் குழுவை மலக்குகள் என்று வர்ணித்துள்ளனர்.

பெரும்பாலும் பிற சமூகங்களோடும் நாடுகளோடும் எவ்விதத் தொடர்புமற்று அரக்கானின் எல்லைக்குள் அடைக்கப்பட்டிருந்த ரோஹிங்யா இன முஸ்லிம்கள் ஐரோப்பாவிலும் வெள்ளை இன முஸ்லிம்கள் உள்ளனர் என்பதை அறிந்திருக்க வாய்ப்பில்லை. மாதாந்தம் பல மில்லியன் திர்ஹம், தீனார், ரியால்களை வீண்விரயம் செய்து வரும் அறபு நாடுகள், துருக்கியிடமிருந்து கற்பதற்கு நிறையவே உள்ளது. மியன்மார் போன்று வறுமையில் வாடும் முஸ்லிம் சமூகத்திற்கு வளம் கொழிக்கும் அறபு நாடுகள் ஏராளமாக உதவலாம். ஆனால், இப்பாரிய வன்முறைகளும் படுகொலைகளும் நிகழ்ந்ததற்குப் பின்பே மியன்மாரிலும் முஸ்லிம் கள் 4 மில்லியன் பேர் வாழ்வது அறபு நாட்டுத் தலைவர்களுக்குத் தெரியவந்திருக்கின்றது.

அறபு இஸ்லாமிய உலகின் நிறுவனங்கள் மற்றும் பிராந்தியக் கூட்டமைப்புகள் என்று நோக்கும்போது, மியன்மார் அரசுக்கெதிரான பொருளாதாரத் தடையை எண்ணெய் ஏற்றுமதி நாடுகளின் அமைப்பு ˆOPEC அமுல் படுத்தியிருக்கலாம். ஆனால்> அது குறித்து அவ்வமைப்பு குறைந்தபட்சம் சிந்திக்கவுமில்லை.

55 உறுப்பு நாடுகளைக் கொண்ட இஸ்லாமிய நாடுகளின் அமையம் ˆOIC ஓகஸ்ட் 14> 15 ஆகிய இரு தினங்களில் அவசரக் கூட்டமொன்றை நடத்தியது. அதில் சிரியாவின் நெருக்கடி மற்றும் ரோஹிங்யா முஸ்லிம்கள் குறித்து ஆராயப்பட்டன. ஆயினும்> OIC யின் மேட்டுக்குடித் தலைவர்களது ஆடம்பரமான ஒன்றுகூடலாகவும் கூடிக் கலைவாகவுமே அது இருந்தது. மியன்மார் அரசாங்கத்தை அழுத்தும் எவ்வித முடிவும் அதில் எடுக்கப்படவில்லை.

ஈரானும் அல்ஜீரியாவும் எதிர்த்து வாக்களித்த நிலையில்> இஸ்லாமிய நாடுகளின் அமைப்பிலிருந்து சிரியாவின் அங்கத்துவம் நீக்கப்பட்டது. அதற்கு அப்பால் எவ்வித நடவடிக்கையையும் அது மேற்கொள்ளவில்லை. ஒன்றுக்கும் இயலாத சபை என்று அதன் பெயரை மாற்றிக் கொள்ளும் அளவுக்கு அதன் இயக்கம் முடங்கியுள்ளது.

25 உறுப்பு நாடுகளைக் கொண்டுள்ள அறப் லீக்>மியன்மார் அரசாங்கம் குறித்து எவ்வித நிலைப்பாட்டையும் இதுவரை வெளிப்படுத்தவில்லை. ஐ.நா. பொதுச் செயலாளர் பான் கீ மூன்> மியன்மார் அரசாங்கம் நியமித்துள்ள ஆணைக்குழு தொடர்பாக> தான் திருப்திகொள்வதாகக் கூறியுள்ளமை மிகுந்த கேலிக்கிடமானது. எந்த அரசாங்கம் திட்டமிட்டு இனச் சுத்திகரிப்பை கட்ட விழ்த்ததோ அதே அரசாங்கத்தின் பிரதிநிதிகள் 11 பேரை உள்ளடக்கிய ஆணைக்குழுவொன்றை மியன்மார் அரசு நியமித்துள்ளது.

ரோஹிங்யா முஸ்லிம்களுக்கு எதிராக நடைபெற்றுள்ள வன்முறைகளின் சூத்திரதாரிகள் யார் என்பதைக் கண்டறிவது இவ்வாணைக்குழுவின் பொறுப்பு என்றும் அரசாங்கம் அறிவித்துள்ளது. சர்வதேச மனித உரிமை நிறுவனங்களின் தொடர்ச்சியான அழுத்தங்கள் மற்றும் போர்க்குற்ற விசாரணைகளிலிருந்து தப்பித்துக் கொள்வதற்கு மியன்மார் இராணுவ ஜெனரல்கள் மேற்கொள்ளும் இக்கண்துடைப்பு நடவடிக்கையை அறபு இஸ்லாமிய நாடுகள் புறக்கணிக்க வேண்டும். நடுநிலையான சர்வதேச விசாரணைக் குழுவொன்றை நியமிப்பதற்கு ஐ.நா. மனித உரிமைப் பேரவைக்கு அழுத்தம் கொடுக்க வேண்டும்.

இன்றைய படுகொலைகளின் சூத்திரதாரிகள் யார் என்பது எல்லோருக்கும் தெரிந்த உண்மையே. அது கண்டுபிடிப்புக்குரிய தல்ல. இன்றைய உடனடித் தேவை மியன்மார் முஸ்லிம்களின் இரத்துச் செய்யப்பட்ட குடியுரிமையை மீள் உத்தரவாதம் செய்வதே. அதற்குரிய சர்வதே மனித உரிமை சட்டங்களையும் ஏற்பாடுகளையும் அமுல்நடத்துவதற்கு ஐ.நா. முன்வர வேண்டும்.

1945 இல் சுதந்தரம் பெற்ற மியன்மாரில் ஜனநாயகத் தேர்தல் ஒன்றின் மூலம் 1962 இல் தெரிவு செய்யப்பட்ட அரசாங்கத்திற்கு எதிராக நூவின் ‡(Nu Win) மேற்கொண்ட இராணுவ சதிப் புரட்சி மூலம் இராணுவ ஆட்சியொன்று உருவாக்கப்பட்டது. கடந்த 50 ஆண்டுகளாக மியன்மாரில் தொடரும் இந்த இராணுவச் சர்வதிகாரம் ரோஹிங்யா முஸ்லிம்களின் சாவுமணியாகவே பார்க்கப்படுகின்றது.

1000 ஆண்டுகளாக இந்நாட்டில் வசித்து வரும் ரோஹிங்யா முஸ்லிம்களின் குடியுரிமை 1982இல் இராணுவ அரசாங்கத்தினால் ரத்துச் செய்யப்பட்டது. அன்றிலிருந்து முஸ்லிம்கள் மீதான இனச் சுத்திகரிப்பும் அடக்கு முறையும் ஆரம்பித்தது. முஸ்லிம்களின் நிலங்கள் பறிமுதல் செய்யப்பட்டன. நடமாடும் சதந்திரம் தடுக்கப்பட்டது. கல்விக்கான உரிமை மறுக்கப்பட்டது. வணிக நடவடிக்கைகளில் ஈடுபடுவதும் தடுக்கப்பட்டது.

மொத்தத்தில் ஒரு சராசரிப் பிரஜைக்கு உள்ள உரிமை மறுக்கப்பட்டதோடு> மியன்மாரின் ஐந்தரைக் கோடி தேரவாத பௌத்தர்களின் எதிரிகளாக முஸ்லிம்கள் கட்டமைக்கப்பட்டனர். இதனால்தான் இன்று இராணுவ அதிகாரிகள் உள்ளிட்டு> தேரவாத பௌத்த பிக்குகளும் முஸ்லிம்களுக்கு எதிரான கொலை வெறித் தாக்குதல்களில் ஈடுபட்டு வருகின்றனர்.

பாலியல் வல்லுறவு> சொத்துக்களை சூறையாடல்> விரட்டியடிப்பு போன்ற நடவடிக்கைகளுக்கு நாட்டின் பிரபலமான மத குருவான அஷின் ஹித்தவரா தலைமை தாங்குகின்றார். படுகொலைகள் தணிந்துள்ளபோதும் மனிதப் பேரவலம் தொடர்கின்றது. அகதி முகாம்களில் தங்கியிருப்போர் அச்சத்தில் உறைந்து போயுள்ளனர். வெளியில் நடமாடுவதற்கு அஞ்சுகின்றனர். அவர்களுக்கு மத்தியில் ஓர் உளப் பீதி உருவாகிவிட்டது.

நாம் வெளியே செல்ல அஞ்சுகின்றோம். ஏனெனில்> மரணம் எங்களை ஒவ்வொரு தெருவிலும் காத்திருக்கிறது என்கிறார் 64 வயதுப் பெண் ஒருவர்.

அரக்கான் மாநிலத்திலிருந்து முஸ்லிம்களைத் துடைத்தழிப்பதில் மியன்மார் இராணுவ அரசும் அமெரிக்க சியோனிஸ கூட்டு சக்திகளும் களத்தில் இறங்கியுள்ளன. இம்மாநிலத்திலுள்ள இயற்கை எரிவாயு மீது அமெரிக்க கம்பனியொன்று முதலீடு செய்யவுள்ளதால் முஸ்லிம்கள் வசிக்கும் நிலம் அதற்கு அவசியமாகியுள்ளது.

இந்தக் கூட்டுச் சதி முயற்சியின் விளைவாகவே முஸ்லிம்களுக்கு எதிரான வன்முறைகளும் படுகொலைகளும் அரங்கேறி வருகின்றன. Human Rights Watch தனது 56 பக்க அறிக்கையில்>பாலியல் வல்லுறவு மற்றும் கொலைகளில் ஈடுபடுகின்றவர்களில் பெரும்பாலானோர் அரச படைகளே என்று தெளிவாகக் குறிப்பிட்டுள்ளது. இதனால் பெண்கள் உடல் ரீதியிலும் உள ரீதியில் பாதிக்கப்பட்டுள்ளதாகவும் குறிப்பிட்டுள்ளது.

ஒரு சிறுபான்மை முஸ்லிம் சமூகம் இராணுவ அரசினால் குறிவைத்துக் கொள்ளப்படுகின்றது. ஆனால்> அறபு இஸ்லாமிய உலகோ நீண்ட உறக்கத்தில் ஆழ்ந்திருக்கின்றது.

மியன்மார்: என்று தணியும் இந்த இனவாதம்?

- றவூப் ஸெய்ன் -

இன்று சர்வதேச அளவில் பேசுபொருளாகியுள்ள பர்மிய (மியன்மார்) முஸ்லிம்களின் சோகக் கதை தொடர்ந்த வண்ணம் உள்ளது. ஒன்றில் அவர்கள் தேரவாத பௌத்தத்திற்கு மதம் மாற வேண்டும் அல்லது நாட்டிலிருந்து வெளியேற வேண்டும் என்ற தீர்மானத்தில் அந்நாட்டின் இராணுவ இரும்புச் சர்வதிகாரம் ஒற்றைக் காலில் உள்ளது.

பல்லாண்டுகளாக வீட்டுக் காவலில் வைக்கப்பட்டு, விடுவிக்கப்பட்ட சமாதானத்திற்கான நோபல் பரிசு பெற்ற ‘ஜனநாயகப் போராளி’ என்று மேற்கு நாடுகளால் புகழ்மாலை சூட்டப்பட்ட ஆங்சான்சூக்கியும் இந்தத் தீர்மானத்திற்கு பகிரங்கமாக ஆதரவளித்துள்ளமையே மிகவும் ஆச்சரியமாக உள்ளது.

மியன்மார் முஸ்லிம்கள் மியன்மாரில் மூன்று பிரதான இன முஸ்லிம்கள் வாழ்கின்றனர். மொத்த சனத்தொகையில் முஸ்லிம்கள் 6 முதல் 10 வீதம் எனத் தெரிவிக்கப்படுகின்றது. ஆனால், இது குறித்த துல்லியமான மதிப்பீடுகள் இல்லை. சுமார் 4 மில்லியன் முஸ்லிம்கள் உள்ளதாக சில இணையங்கள் கூறுகின்றன. பிரதான மூன்று இனக் குழுமங்கள் 1. பான்தாய் (பர்மிய பூர்வீகக் குடிகள்) 2. பஷூஷ் (சீன, தாய்லாந்து பூர்வீகத்தினர்) 3. ரோஹிங்யா (இந்திய பூர்வீகத்தினர்) தற்போதைய பங்களாதேஷ் மக்களுக்கு நெருக்கமானவர்கள். இவர்களே இன்று இனச் சுத்திகரிப்புக்கு உள்ளாக்கப்பட்டுள்ளனர்.

இதற்கு மேலே ஒருபடி சென்று அரக்கான் முஸ்லிம்கள் மியன்மாரின் வந்தேறு குடிகள்; அவர்கள் உண்மையான நாட்டுப் பிரஜைகள் அல்ல என்று அப்பட்டமாகக் கூறியிருப்பது மியன்மார் முஸ்லிம்களின் தலைவிதி எல்லா சக்திகளாலும் பந்தாடப்படுகின்றது என்பதையே உணர்த்துகின்றது. இதிலுள்ள மிகவும் அவலமான விடயம் என்னவெனில், அருகிலுள்ள பங்களா தேஷ் பிரதமர் ஹஸீனா வாஜித், கொலை வெறித் தாக்குதலிலிருந்து உயிரைக் கையில் வைத்துக் கொண்டு ஓடிவரும் அகதிகளை ஏற்றுக்கொள்ள முடியாது என்று கூறியிருப்பதுதான்.

உலகில் மிகப் பெரும் துன்பங்களை அனுபவிக்கும் சிறுபான்மைச் சமூகம் மியன்மார் முஸ்லிம்கள்தான் என்று அறிக்கை விட்டதோடு, பான் கீ மூன் மௌனமாகி விட்டார். ஐ.நா. மனித உரிமைப் பேரவையின் தலைவர் நவநீதம் பிள்ளை, மியன்மார் படுகொலைகள் மனித இனத்திற்கு எதிரான போர்க் குற்றங்களாகக் கருதப்பட்டு, மியன்மார் இராணுவ அரசாங்கம் விசாரிக்கப்பட வேண்டும் என்று கருத்து வெளியிட்டுள்ளபோதும், அது செயலுக்கு வருவதற்கான அறிகுறிகள் எதுவுமே தென்படவில்லை.

அரச பயங்கரவாதத்தின் பிரதிநிதிகளான ஆயுதம் தாங்கிய இராணுவத்தினர், இதுவரை 20,000பேரை பல்வேறு குரூரமான வழிகளின் மூலம் கொலை செய்துள்ளதோடு, ஆயிரக்கணக்கான ரோஹிங்யா முஸ்லிம் பெண்களை பாலியல் ரீதியில் வல்லுறவுக்கு ஆளாக்கியுள்ளனர். நூற்றுக்கணக்கான பள்ளிவாயல்கள், இலட்சக்கணக்கான வீடுகள் தீ வைத்து எரிக்கப்பட்டுள்ளன அரகான் சாம்பல் மேடயாய் காட்சி தருகின்றன. அரசாங்கத்தின் இந்த இனச் சுத்திகரிப்பு நன்கு திட்டமிட்டே மேற்கொள்ளப்படுகின்றன.

* மியன்மார்: தென்கிழக்காசிய நாடு * 1962 முதல் 2011 வரை நேரடி இராணுவ ஆட்சி * தற்போது நிழல் இராணுவ ஆட்சி * ஜனாதிபதி: தைன் ஸைன் இராணுவ ஜெனரலாகவும் விளங்குகின்றார். * கடும் ஊழல் நிலவும் இந்நாட்டின் மொத்த சனத்தொகை 60 மில்லியன் * சர்வதேச நாடுகளுடனான உறவுகள் துண்டிக்கப்பட்ட மியன்மார் மனித உரிமை மீறல்களில் கடும் விமர்சனத்தை எதிர்கொண்டுள்ளது.  * 300 இற்கும் மேற்பட்ட இனக் குழுமங்கள் வாழ்கின்றன. * பிரதான மதம்: தேரவாத பௌத்தம் * உள்நாட்டு விவகாரம், பாதுகாப்பு, எல்லைப் புற விவகாரம் ஆகிய மூன்று பிரதான அமைச்சுப் பதவிகளையும் இராணுவ ஜெனரல்களே வகிக்கின்றனர். * எல்லைப் புற நாடுகள்: சீனா, லாவோஸ், பங்களாதேஷ், பூட்டான், தாய்லாந்து * பர்மிய மக்களே பிரதான இனக் குழுமத்தினர், இவர்கள் திபெத்திய, சீன பூர்வீகக் குடிகள். * பிரதான இனச் சிறுபான்மைகள்: ரோஹிங்யா, சின், கசின், ரேகின், மொன், ஷான், கரன் * பிரதான ஏற்றுமதி: தேக்கு மரம், முத்து, பவளம், மாணிக்கம், சில இடங்களில் இயற்கை எரிவாயு மற்றும் பெற்றோலியம் உள்ளதாக நம்பப்படுகின்றது. * ஆட்சியிலுள்ள இராணுவம் பெருமளவில் ஹெரோயின் ஏற்றுமதியில் ஈடுபட்டுள்ளதாகக் குற்றம் சாட்டப்படுகிறது. * சீனா, இந்தியா, தென்கொரியா ஆகியன இங்கு முதலீடு செய்துள்ளன.

ஆயிரம் ஆண்டுகால பூர்வீகத்தைக் கொண்ட ஒரு சமூகத்தின் மீது பௌத்த தீவிரவாத அரசாங்கம் ஒன்று மேற்கொண்டு வரும் இந்தத் தாக்குதல்களை எந்த சட்ட அடிப்படையிலும் நியாயப்படுத்த முடியாது. ஆயினும், இந்த இராணுவ அரசாங்கத்திற்கு எதிரான எந்தவொரு அழுத்தமும் சர்வதேச அளவில் உருவாகவில்லை. ஆகக் குறைந்தபட்சம் கண்டனக் குரல்களேனும் எழுப்பப்படவில்லை.

தேரவாத பௌத்தத்தின் தூய்மைக்கு ரோஹிங்யா இனத்தவர்கள் களங்கம் ஏற்படுத்துகின்றனர். காரணம் இவ்வினத்தவர் மிகத் தாழ்ந்த,தூய்மையற்ற குழுமத்தினர் என்றும் அவர்கள் புனித பூமியில் வாழ்வதற்கு தகுதியற்றவர்கள் என்றும் அந்நாட்டின் மதகுருக்கள் உள்ளிட்டு எதிர்க்கட்சித் தலைவியாக வீற்றிருக்கும் ஆன்சான் சூக்கியும் மதத் துவேஷத்தை அணிந்துகொண்டுள்ளமை மிகவும் ஆபத்தான குறிகாட்டியாகும்.

இவ்வாறு முஸ்லிம்கள் குறிவைத்துக் கொல்லப்படுவதும், அவர்களது பெண்களும் குழந்தைகளும் குரூரமான கொலைவெறிக்கு ஆளாக்கப்படுவதும் மதத்தின் பெயரால் நியாயப்படுத்தப்படுகின்றது.

நாகரிகமும் அறிவியலும் வளர்ச்சியடைந்துள்ள இக்காலகட்டத்திலும் மதம், இனம் ஆகிய எல்லைகளுக்கு அப்பால், மனிதர்களை மனிதர்களாக மதிக்கின்ற மனப்பாங்கை மியன்மாரில் ஒரு மதம் வளர்க்கவில்லை. சர்வதேச சக்திகளும் அழிக்கப்படுவது முஸ்லிம்கள் என்ற ஒரே காரணித்தினால்தான் இதுகுறித்து மௌனம் காக்கின்றது.

மனித உரிமைகள் குறித்து வாய் கிழியக் கத்தும் இன்றைய யுகத்தில் குறைந்தபட்சம் உயிர் வாழ்வதற்கான உரிமை கூட மியன்மார் முஸ்லிம்களுக்கு மறுக்கப்படுகின்றது. பாகிஸ்தான்,எகிப்து, கட்டார், சவூதி அறேபியா ஆகிய அரசாங்கங்கள் மாத்திரம் இக்கொலை வெறியை வன்மையாகக் கண்டித்துள்ளன.

இந்த நிகழ்வுகள் குறித்து ஒரு காரசாரமான அறிக்கையை பல வாரங்களுக்குப் பின்னரேனும் பாகிஸ்தான் பாராளுமன்றம் வெளியிட்டது. ஆனால், பங்களாதேஷ், இந்தியா, பாகிஸ்தான் ஆகிய அனைத்து நாடுகளும் ஒன்றிணைந்து இப்பிரச்சினையைக் கையாள வேண்டிய கடமைப்பாட்டைக் கொண்டுள்ளன. இந்தியாவுக்கு இதில் முக்கிய பொறுப்புள்ளது. ரோஹிங்யா மக்கள் அடிப்படையில் இந்தியப் பூர்வீகத்தைக் கொண்டவர்கள். அவர்களின் மூதாதையர்கள் அங்கிருந்தே பலநூறு ஆண்டுகளுக்கு முன்பாக இங்கு இடம்பெயர்ந்துள்ளனர். இந்த வகையில் இந்தியாவும் இவ்விடயத்தில் காத்து வரும் மௌனம் சந்தேகத்திற்குரியது.

இன்று மியன்மார் தீப்பற்றி எரிகின்றது. ரோஹிங்யா மக்கள் வாழும் அரக்கானில் நன்கு திட்டமிடப்பட்ட வன்முறைகள், பாலியல் வன்முறைகள், சொத்துக்களை சூறையாடுதல், பள்ளி வாயல்களை அழித்தல், குழந்தைகளை அச்சுறுத்தி உளரீதியான பாதிப்புக்களை ஏற்படுத்தல்,கொள்ளை என விதம் விதமான கொடுமைகள் நிகழ்த்தப்படுகின்றன.

இத்தனை ஆயிரம் மக்கள் துப்பாக்கிகளால் சுடப்பட்டும், தீ மூட்டப்பட்டும் ஆயுதங்களால் அடித்தும் கதறக் கதற கொல்லப்பட்டுள்ளனர். ஆனால், இதற்குப் பொறுப்பானவர்கள் யார்?அவர்களுக்குப் பின்னணியில் உள்ள உண்மையான ஊக்கம் என்ன? உலகின் பல்வேறு சிறுபான்மை நாடுகளில் தலைதூக்கியுள்ள சியோனிஸ சூழ்ச்சித் திட்டத்தின் ஒரு பகுதிதான் இன்று மியன்மாரிலும் அரங்கேறுகின்றதா?

அமெரிக்காவும் ஐரோப்பிய நாடுகளும் காத்து வரும் மௌனத்தில் அர்த்தம் என்ன? இந்த பத்து இலட்சம் மக்களின் உயிருக்கும் 

உடமைகளுக்கும் உத்தரவாதமளிப்பது யார்? சர்வதேச மன்னிப்புச் சபை, ஆசிய மனித உரிமை கண்காணிப்பகம் என்பனவும் உருப்படியாக செயல்படாமல் இருப்பதேன்?

இதுபோன்ற கேள்விகள் மியன்மார் முஸ்லிம்களின் எதிர்காலத் தலைவிதி குறித்த தீவிர அச்சத்தையும் ஐயத்தையும் எழுப்புகின்றது. அங்குள்ள ஏனைய இனச் சிறுபான்மை முஸ்லிம்களுடன் உறவாட முடியாத மொழித் தடையும் ரோஹிங்யா முஸ்லிம்களின் பேரவலத்திற்கு மற்றொரு காரணமாகும்.

பர்மாவில் இன்று இராணுவ மத அடிப்படையிலான அரசாங்கம் முன்னெடுக்கும் செயற்பாடுகளை சில இஸ்லாமிய ஊடகங்கள் எரிக்கும் அரசியல் (Burning Politics) என வர்ணித்துள்ளன. முஸ்லிம்களின் பூர்வீக நிலங்களில் உள்ள வீடுகள்,சொத்துக்கள், கடைகள், கலாச்சார நிலையங்கள், பள்ளிவாயல்கள் என்பவற்றை எரிப்பதில் அரசாங்கம் தீவிரமாக இறங்கியுள்ளது. அதனூடே முஸ்லிம்களின் எதிர்கால இருப்பை கேள்விக்குள்ளாக்கி,அவர்களை அரக்கானிலிருந்தே வெளியேற்றுவதற்கு முனைகின்றது.

வரலாற்று ஆதாரங்களின்படி மேற்கிலுள்ள அரக்கான் மாநிலம் ஒரு காலத்தில் சுதந்திரக் குடியரசாக செயற்பட்டு வந்துள்ளது. இஸ்லாம் மியன்மாரில் அறிமுகமான காலகட்டங்களில் அரக்கான் ஒரு சுதந்திர முஸ்லிம் குடியரசாகவே இருந்தது. ஆனால், இது பிற்பட்ட காலங்களிலேயே பர்மாவுடன் (மியன்மார்) இணைக்கப்பட்டு, தீவிர பௌத்த மதப் பிரச்சாரம் முஸ்லிம்களுக்கு மத்தியில் மேற்கொள்ளப்பட்டது.

வரலாறு தொட்டு தன்மீது திணிக்கப்பட்ட பௌத்த மதமாற்றுச் செயற்பாடுகளை முஸ்லிம்கள் எதிர்த்து வந்தனர். அந்த எதிர்ப்பின் விளைவு பலமுறை முஸ்லிம்களுக்கு எதிரான அரச பயங்கரவாதமாகவும் வன்முறையாகவும் வெடித்தன.

2012 ஜூலை 20 இல் சர்வதேச மன்னிப்புச் சபை வெளியிட்டுள்ள அறிக்கையில் பௌத்த மதகுருக்கள் பர்மாவில் இழைத்துள்ள பாலியல் மற்றும் வன்முறைச் சம்பவங்கள் மனித உரிமைக்கு விடுக்கப்பட்ட மிகப் பெரும் அச்சுறுத்தல்; ஆயிரக்கணக்கான பெண்கள் வல்லுறவுக்கு உட்படுத்தப்பட்டு கொல்லப்பட்டுள்ளனர். அதேவேளை, அவர்களின் மொத்த சொத்துக்களும் பள்ளிவாயல்களும் அழிக்கப்பட்டுள்ளன என்பதற்கான ஆதாரம் தன்னிடமுள்ளதாகத் தெரிவித்துள்ளது.

இதற்கு முன்னரும் இதுபோன்ற வன்முறைச் சம்பவங்கள் நடைபெற்றுள்ளன. ஆனால், இதுவே மிகவும் பயங்கரமானது என அந்நிறுவனம் குறிப்பிட்டுள்ளது. தற்போது ஒரு இலட்சம் பர்மிய முஸ்லிம்கள் சவூதி அறேபியாவில் வாழ்கின்றனர். அவர்கள் சவூதி அறேபிய பிரஜைகளாகவே கணிக்கப்படுகின்றனர். பாகிஸ்தானின் கராச்சி நகரிலும் பல ஆண்டுகளுக்கு முன்னர் குடிபெயர்ந்த 

பல்லாயிரம் பர்மிய முஸ்லிம்கள் பாகிஸ்தான் பிரஜைகளாக அங்கீகரிக்கப்பட்டுள்ளனர். ஆப்கான்,மலேசியா போன்ற நாடுகளிலும் இவர்கள் தேசிய பிரஜைகளாக அங்கீகரிக்கப்பட்டுள்ளனர்.

1994 இல் பங்களாதேஷுக்கு இடம்பெயர்ந்த ரோஹிங்யா முஸ்லிம்கள் காலிதாஸியாவின் அரசாங்கத்தில் குறிப்பிட்ட காலத்திற்கு முகாம்களில் வாழ்வதற்கு அனுமதிக்கப்பட்டனர். கலாச்சாரம், பாரம்பரியம், சமயம், வழக்காறுகள் போன்ற பல்வேறு விடயங்களில் பங்களாதேஷ் முஸ்லிம்களுக்கும் பர்மிய ரோஹிங்யா முஸ்லிம்களுக்கும் இடையில் நெருக்கமான தொடர்புகளும் உறவுகளும் ஒற்றுமைகளும் உள்ளன.

ஆனால், பங்களாதேஷ் அரசாங்கம் அவர்களை அகதிகளாக ஏற்க முடியாது என்று கூறி வருவது ஆச்சரியத்துக்குரியதல்ல. ஏனெனில், ஹஸீனா வாஜிதின் மதச்சார்பற்ற அரசாங்கம் இந்திய திட்டங்களுக்கு அடிபணிகின்ற ஒன்றாக மாறிவிட்டது.

இந்திய அரசாங்கம் இம்முஸ்லிம்கள் குறித்துக் கொண்டுள்ள எதிர்மறையான நிலைப்பாடுகளுக்கு ஹஸீனா வாஜிதின் அரசாங்கமும் மறைமுகமாக ஆதரவளிக்கின்றது. பர்மாவின் இராணுவ அரசாங்கத்தோடு இந்திய உளவு நிறுவனங்களும் பாரதீய ஜனதா கட்சி அங்கத்தவர்களும் நெருங்கிய உறவுகளைக் கொண்டுள்ளனர். இதேவேளை, இந்துத்துவ பா.ஜ.க. இஸ்ரேலிய அரசாங்கத்துடன் நெருக்கமான தொடர்புகளைப் பேணுகின்றது.

ரோஹிங்யா முஸ்லிம்கள் ஏன் வஞ்சிக்கப்படுகின்றனர் * Glass Palace chronicle எனப்படும் மியன்மாரின் தேசிய வரலாற்று கையேடு இந்தியாவிலிருந்து 10 நூற்றாண்டுகளுக்கு முன்னர் இடம்பெயர்ந்த ரோஹிங்யா இன முஸ்லிம்கள் மியன்மாரை சூரையாடுகின்றவர்கள் எனவும் உள்ளூர் மக்களை ஏமாற்றுகின்றவர்கள் எனவும் குறிப்பிடுகின்றது. அவர்கள் மிகத் தாழ்த்தப்பட்ட சாதியைச் சேர்ந்தவர்கள் எனவும், பௌத்தத்தின் தூய்மைக்கு களங்கம் ஏற்படுத்தக் கூடியவர்கள் எனவும் எழுதிவைக்கப்பட்டுள்ளது. இந்த வரலாற்றுப் புனைவே (Historical Myth) முஸ்லிம்களுக் கெதிரான பரந்துபட்ட சமூகக் காழ்ப்புணர்வை உருவாக்கி விட்டுள்ளதாக நம்பப்படுகிறது. மன்னர் ஷாஜஹானின் மகன் ஷா சுஜா மியன்மாரில் குடியேறியபோது அவரிடமிருந்த சொத்துக்களை மியன்மார் மன்னன் வேண்டினான். அது மறுக்கப்பட்ட பின்னரே இந்த வரலாற்றுப் புனைவு உருவாக்கப்பட்டதாகக் கூறப்படுகின்றது. * ரோஹிங்யா இன முஸ்லிம்கள் வாழும் அரக்கான் மாநிலத்தில் இயற்கை எரிவாயு இருப்பதாக ஆய்வுகள் மூலம் தெரியவந்துள்ளது. தற்போது இப்பிராந்தியத்தில் அமெரிக்கக் கம்பனிகள் முதலீடு செய்வதற்கு முயற்சித்து வருகின்றன. அமெரிக்கா இராணுவ அரசாங்கத்தின் மீது பொருளாதாரத் தடை விதித்துள்ளபோதும், தற்போது எரிவாயு அகழ்வில் தீவிர ஆர்வம் காட்டுகின்றது. இதேவேளை, பிரமாண்டமான அமெரிக்கக் கம்பனிகள் இப்பிராந்தியத்தில் நிலைகொள்ள உள்ளதனால், பாரியளவிலான நிலம் அதற்குத் தேவையாக உள்ளது. யூத-சியோனிஸ ஆதரவு சக்திகளும் இயற்கை எரிவாயு அகழ்வில் முதலீடு செய்கின்றன. இதனால், ரோஹிங்யா இன முஸ்லிம்களை அங்கிருந்து வெளியேற்றுவதற்கு இக்கூட்டுச் சக்திகள் வன்முறையை ஓர் ஆயுதமாகக் கையில் எடுத்துள்ளன.

இந்த சர்வதேச, பிராந்திய முஸ்லிம் எதிர்-சூழ்ச்சித் திட்டத்தின் பலிக்கடாவாக மியன்மார் முஸ்லிம்கள் மாற்றப்பட்டுள்ளனர். பங்களாதேஷில் பெருமளவிலான அகதிகளுக்கு இடமளிப்பது மியன்மார் இராணுவ அரசாங்கத்தின் மீதான அழுத்தங்களுக்கு வழிவகுக்கலாம் எனும் பின்னணியிலேயே ஹஸீனா வாஜித் அவர்களை ஏற்க மறுக்கின்றார்.

இதன் விளைவாகவே இதுவரை இராணுவ அரசாங்கத்தின் மீது எந்த அழுத்தமும் ஏற்படுத்தப் படவில்லை. பௌத்த இராணுவ தளபதிகள் இதன் காரணமாகவே ஒரு மில்லியன் மக்களை கடலில் வீசப் போவதாக பகிரங்கமாகவே கூறி வருகின்றது. இந்நிலமை பர்மாவில் தொடர்ந்தும் வன்முறைகளையும் கொலை வெறித் தாக்குதல் களையும் தொடரப் போகின்றனர் என்பதையே காட்டுகின்றது.

ராபிததுல் ஆலமில் இஸ்லாமிய, இஸ்லாமிய நாடுகள் அமைப்பு பர்மிய முஸ்லிம்கள் தொடர்பான தமது நிலைப்பாட்டை வெளியிட்டுள்ளன. பர்மிய முஸ்லிம்கள் மீதான படுகொலைகளை நிறுத்துமாறு வேண்டியுள்ளன. ஆப்கான், காஷ்மீர் போன்று பர்மாவிலும் ஆயுதக் குழுக்கள் உருவாவதற்கான சூழல் ஏற்பட்டுள்ளது.

1994 ஆம் ஆண்டு அப்துல் குத்தூஸ் எனப்படும் ஒரு மார்க்க அறிஞரின் தலைமையில் இஸ்லாமிய ஜிஹாத் இயக்கம் அங்கு உருவாகியது. அரக்கானை மியன்மாரிலிருந்து பிரித்து தனிக் குடியரசாக மாற்றுவதே தமது நோக்கம் என்று அவர்கள் கூறினர். ஆனால், அவ்வியக்கம் கடுமையாக ஒடுக்கப்பட்டதனால் அதன் தீவிரம் தணிந்தது. பங்களாதேஷ் போன்ற அரசாங்கங்கள் அவற்றுக்கு அடைக்கலம் கொடுக்க மறுத்தன.

ஆயினும், இதுபோன்ற ஆயுத இயக்கங்கள் அங்கு உருவாகுவது தவிர்க்க முடியாமல் போகும். எவ்வாறாயினும், ஒரு சிறுபான்மைச் சமூகத்தின் ஆயுத ரீதியான போராட்டங்கள் எந்தளவு வெற்றியளிக்கும் என்ற மிகப் பாரிய கேள்வி பர்மிய சிறுபான்மை முஸ்லிம் சமூகத்திற்கு முன்னாள் எழுந்து நிற்கின்றது.